AGATHA
"Ano pa ang narinig mo sa usapan ni Kapitan Norman at Mayor Tonyo, Magnolia?" halos sumabog ang dibdib sa galit na tanong ko.
"Iyon lang po, ma'am. Wala na po akong ibang alam. Bukod doon, hindi na rin po ako nag-kwento sa iba kasi pinuntahan ako dito ni kapitan, kasama ang mga tauhan ni mayor. Tinakot nila ako at pinagbantaan na papatayìn, kapag hindi ko tinigilan ang paninira sa kanila. Binugbog nila ang asawa ko, kaya hindi na po ako umulit," nanginginig na sagot ni Aleng Magnolia.
"Tandaan mo ang gabing ito, Magnolia, dahil hindi ko na uulitin sa iyo kahit kailan," mabilis ang tìbok ng puso na sabi ko.
"Wala kang pagsasabihan kahit sino na may nagpunta dito sa bahay mo at nagtanong nang tungkol dito, dahil kung hindi-"
Sinadya kong putulin ang huling salitang sinabi ko, ka
