Tipid na ngumiti ako kay Theresa at hindi na nagsalita pa. Mukhang seryoso na nga siya sa gustong gawin at kahit anong sabihin ko para pigilan siya ay hindi siya makikinig sa akin. Kagaya ng boss niya, matigas rin ang ulo ng isang ito at walang pagdadalawang-isip na ginagawa ang gusto.
Jogging ang ginawa ni Theresa kasabay ko. Malakas ang stamina niya at mukhang wala siyang iniindang sakit ng simulan niyang tumakbo at seryosong tinapos ang oras na naka-set sa timer ng machine na gamit niya habang hinihingal ako.
Almost one hour rin kaming nasa gym ng sabay kaming bumalik sa silid para maligo at mag-almusal. Lahat kasi dito, may oras na sinusunod at na sanay na rin ako sa ganitong routine sa araw-araw na narito ko.
Nadatnan kong wala na si Draven sa silid ko. Mukhang pumasok na siya sa t
