Sumama ako sa kanya pabalik sa sasakyan. Sa isang sikat na shopping mall niya ako dinala at sinabing mamimili umano kami ng mga gamit ko, kaya dito kami pumunta.
Akala ko ay kung ilang piraso lang ang bibilhin niya, pero nagulat ako na halos mapuno na ang cart na katabi ni Theresa ng saglit na lumayo ako sa kanya para tumingin ng mga damit.
"Aray!" Gulat na daing ko ng bigla na lang ay may cart na bumangga sa akin mula sa likuran ko at tinamaan ang nasaktan na binti ko.
Hindi naman maraming tao dito sa loob ng boutique na pintuan namin ni Theresa para mag-siksikan ang mga gustong namili at basta na lang ako mabangga ng kung sino. Ilan lang kaming narito, kasama ang mga staff at ibang namimili gaya ng kasama ko.
Abala si Theresa sa pagpili ng mga damit na gusto niyang bilhin kaya hin
