"Look, may mali, eh. Sabi mo, gahaman ang kapatid mo, kaya ka nga niya ipinagbili at maging ang bahay ninyo tapos, ginamit ka pa. For me, sa likaw ng bituka niya, imposibleng maglabas pa siya ng malaking pera, para mag-utos na linisin ang kalat niya at magbayad ng ibang tao na gagawa ng pagsunog sa ospital at pagpatay sa mga magulang mo kung siya nga ang salarin na hinahanap natin, Agatha."
May punto si Theresa. Nakuha ko ang dot sa mga keypoint na pinag-aaralan naming dalawa.
"Let's go, para makapag-plano tayo. Kailangan nating humanap ng p'wedeng tuluyan, tapos magtanong-tanong tayo, baka may makuha tayong mahalagang impormasyon sa mga taong malapit sa pamilya mo," yaya sa akin ni Theresa.
Walang hotel dito sa bayan at maging sa barangay na kinalakihan ko. Liblib ang lugar namin at
