EPISODE 30
BETRAYED
ALESSANDRA’S POINT OF VIEW.
Unti-unti ko nang nararamdaman ang pamamanhid ng aking katawan, lalo sa aking balikat. Muli akong nagising sa paghampas ni Ludovica ng baril sa aking ulo. Ngayon ay nakaupo ako sa isang silya at nakatali ang aking mga kamay sa aking likod.
Hindi ko alam kung nasaan ako ngayon. Ang alam ko lang ay nakuha ako ni Ludovica. Hindi ko alam na sa bahay pala ni Alonzo nagtatago si Ludovica, kaya pala hindi namin ito mahanap. Si Alonzo ang nagtatago sa kanyang kapatid, pinoprotektahan niya ito upang hindi namin ito mahanap.
“Ate Alex, kailangan niyo na pong umalis dito!”
Ngayon ko lang napagtanto kung bakit natataranta si Inday at pinapaalis niya kaagad ako sa bahay nang makita niya akong dumating. Alam niya ang mga nangyayari—alam niya ang tung
