EPISODE 61
SURVIVED
ALESSANDRA’S POINT OF VIEW.
TUMALON siya. Walang pagdadalawang isip na tumalon siya sa bangin pagkatapos kong bumitaw sa kanyang kamay. He was trying to help me—to grab my hands, pero hindi niya ito nagawa dahil malakas ang alon at nalayo na kami sa isa’t isa. Nilamon ako ng tubig at pagkatapos nun… hindi ko na alam kung ano ang sunod na nangyari sa akin, o sa kanya.
“Ate Alex? Naririnig mo ba ako?”
“Alessandra, gising ka na ba?”
Naririnig ko ang mga boses ng aking dalawang kapatid ngayon. Patay na ba ako? Anong nangyari sa akin at parang labis ang panghihina ko ngayon? Unti-unti kong iminulat ang aking mga mata at nanghihina na napatingin sa aking paligid. Kahit na nanlalabo ang aking paningin ngayon, alam ko na si Alexis ang nakikita ko ngayon sa aking harapan.
