TORN DANGER ROSS
__
Nakatayo lang ako mula sa kalayuan habang pinagmamasdan ang mag-lolo.
Naglalaro ang mga ito ng chess sa field. Isang malaking-malaking chess board na nakakabit na sa lupa at para maka-gawa ng move, kailangan pang buhatin ang bawat piraso.
Mukhang masayang-masaya si Don Emmanuel kahit tila nahihirapan sa pagbubuhat.
Pinasok ko ang mga palad sa magkabilang bulsa ko. Hindi ko nagawang alisin ang tingin kay Esther nang mabuo ang matamis na ngiti sa mga labi nito habang sinusubukang taluhin ang matanda.
Hindi ko rin napigilan ang malakas na kabog sa dibdib ko na para bang wala ng bukas.
Noon ko lang unang beses na nasaksihan na tila ba napaka-aliwalas ng mukhang iyon. Para bang bagong tao siya sa akin.
Nakarinig ako ng pagtikhim sa tabi ko. "Mr. Pierre, huwag pong m
