(@توكيل زواج@) بقلمي (هبة منصور)

الفصل السابع

كان رد ندي صادم لتؤكد قرارها. كلامي قولتوا ياحاج محمود خلاص انامستحيل اتجوز البني ادم ده وتركتهم وذهبت لغرفتها بسرعة لتخفي دموعها. فقد صدمهاطريقة رفض كامل لها بهذا الشكل الجارح لها.

بينما كامل ظل صامت يتابع حديثها بدون كلام .

ليهتف بهم محمود .تعالي وراي ياولدي علي المكتب وانتي ياراجية خودي هناء وإطلعوا لندي هدوها شويه واناهطلع اكلمها كمان شويه.

في غرفه المكتب.حيث يجلس محمود وكامل معا .اجعد ياكامل واهدي واسمعني زين ياولدي

أجابه كامل بهدؤء سامعك ياحاج اتفضل

.بدأيسرد كل ماحدث من عم ندي ووصيه ناجي لمحمود واضاف يسأله ايه ردك ياولدي كنت سيبت البت تجوز واد عمهاناصر وأضيع مستجبلها.

ليرد عليه كامل .بس ياحاج مش علي حساب حياتي .

ليستفهم منه محمود .وإيه هوا الي هيلخبط حياتك ندي دهياالي هتنورلك حياتك دي ندي الف مين يتمني يتجوزها دي كيف الجمر وأخلاق وأدب وتعليم عايز ايه تاني .

ليوضح له كامل .ياحاج الجواز مش كدا انا لازم الي هتجوزهااكون عارفهاوعرفاني فهمين بعض في بينا اتفاق لكن ندي دي بتكلمني من تحت ضرسهاياحاج ومبتبوصش في وشي حتي شوف بتكلم يوسف ازاي وانا بتكلمني ازاي .

أجابه والده ياكامل .يعني مشكلتك في الكلام بكرا تتعودو علي بعض وهتكلمك زين ياولدي ولو علي اخوك فهما من صغرهم اصحاب انتا الي كنت بعيد عنينا.

حاول كامل اثنائه عن قراره .ياحاج انتامش فاهمني ليه انا. .

رد عليه محمود.مقاطعه حديثه الفارغ بالنسبة له .لا اني خابرك زين ياولدي وخابر ان ندي عجباك من لما شفتها بس بتكابر. مشوفتش نفسك كنت بتبص لها كيف لما شوفتها

نفي كامل كلام والده قائلا ياحاج لا الموضوع مش كدا.أنا بس مكنتش عارفها

أجابه محمود منهيا الجدال بينهم. لا هوا كدا ومن الأخر جدامك لبكره ترد عليا علشان لو مش هتوافج اتصرف انابجا.

ليسأله كامل .تتصرف ازاي ياحاج يعني هيا مش بقت مراتي وكتبت الكتاب.

أوضح له محمود. لو موافجتش خلاص هطلجهامنيك واجوزها لخوك يوسف واد*ك جولتها بلسانك هما متفاهمين مع بعض.

تغيرت ملامح وجهه الهادئة وتبدل للديق والغيره التي لم يدرك انها ظهرت علي وجه ورأهاوالده بوضوع وأجابه وهوا يقف مغادرا .الي تشوفو ياحاج وغادر الغرفه سريعا والقصر بأكمله بعد أن أخرج سيارته من الجراج فهوايقودها عندما يأتي مصر وتبقي حتي عودته

إبتسم محمود.علي حال ولده فهوا يفهمه منذ آن رأي ندي ووجهه ينطق بإعجاب واضح شكلك حبيتها ياكامل بس بتجاوح روحك لا وغيران عليهامن اخوك كمان .

كان كامل يحدث نفسه بصوت مسموع وهوا يقود سيارته .ازاي تبقا مراتي ويقولي هجوزهالأخوك لا وهيا كمان بتزعقلي وتقول مش متجوزه البني ادم ده لا وكمان عارفه اني جوزها وبتتكلم معايا زي الزفت من اول ماشافتني ومع الناس هزار وضحك علي الاخر .واناشاغل بالي بيهاليه مخلاص بقا تعمل الي تعملوا ويجوزوها للي تحب اناهرجع تاني واقول لابويا اني مش موافق والي يحصل يحصل.

صعد الحاج محمود لغرفه ندي ودخل ليتحدث معها وطلب من والدتها وخالتها ان يغادروا

جلس بجوارها محمود .وبعدهالك ياندي مش هتبطلي عياط مالك يابتي .

لتمسح دموعهاندي .ياعمي اناقولت لحضرتك اني مش موافقه وابن حضرتك مش موافق خلاص طلقني منه وانا همشي اناوماما ومش هرجع البلد تاني ابد .

ليهدهدهامحمود. يابنتي هوا اتفاجئ زيكي في الاول ورده كان من المفاجأه بس لما يهدي هيفهم اناعارف ولدي زين يابنتي.

لتهز رأسها تنفي مايقول .لا ياعمي اناخلاص مش موافقه عليه ده شايفني عيله صغيره وكمان مش عجباه يبقاخلاص بقا ننهي الموضوع ده.

ليفهمها محمود. ومين جالك انوشايفك كدا ولا انك مش عجباه ده عينه مبتتشالش من عليكي من لماجه وشافك وبعدين مش عجباه كيف دانتي كيف الجمر يابنتي.

قالت له ندي ياعمي هوا الي قال كدا وانا سمعته بنفسي متدافعش عنه .

ليفهمها محمود قصده اني جولت الي عندي يابنتي وصدجيني انتي عجباه وكتير كمان والا مكانش اخد بالو من طريجتك مع اخوه وادايج منيها كمان

لتنتبه له ندي وتسأله. اخوه قصدك يوسف ياعمي مالو مش فاهمة .

محمود .ممالوش بس كامل جالي انك بتكلميه عفش وبتتكلمي مع يوسف مليح وبتضحكو وتهزرو يعني مضايج من طريقتك معاه لومش هماه مكنش فكر كدا ده لسا بقالو يوم واصل ومركز بتكلمي الناس كيف .

ندي .وقد ظهرت ابتسامه علي وجهها اخفتهاسريعا .

ربط علي كتفها محمود وقال لهاخلصنا بجا يابنتي اني ههملك دلوك وهستناردك عليا بكره لازم نسافر علشان عمك ماجد مستنينافكري وردي عليا .

لتؤمئ له ندي .ماشي ياعمي.

في المطبخ راجيه وهناء .كانوا يجهزو الطعام ويتحدثون معا

هناء .الموضوع شكله مهيتمش ياخيتي .

راجيه لا اناجلبي بيجولي ربنا هيهديهم التنين .

هناء .انا خايفه ليكون ولدك جلبه متعلج بخوجابه من بلاد بره .

راجيه .لا ياهناء ياخيتي هوا خابر ان عمرنا ماهنوافج علي كدا ابدا .

هناء .ربنا يستر ياراجيه جلبي مش مطمن.

علي مائده العشاء يجلس كل افراد الأسره ماعداها هي بقيت بغرفتها تتحدث مع منه صديقتها.

ندي .مش عارفه اعمل ايه يامنه .

منه .احنا هنحور علي بعض اومال لو مكنش حب الطفوله والمراهقه ياندي.

لتهتف بهلع ندي انتي اتجننتي يامنه حب ايه ده .

لتجيبها منه بخبث واضح لحثهاعلي الكلام.انتي مش كنتي قيلالي الي بحبه سافر من زمان وكمان كنتي قيلالي انو قريبك يابت هتصيعي عليا.

بررت لها ندي .بقولك ايه انتي مخك فوت خالص ده كان كلام بسكتك بيه لانك فضلتي تزني علشان تعرفي بحب مين.

لتكذبهامنه .والله كدابه ولو انتي كدبتي علي كل الناس مش هتكدبي عليا انا.

لتنهي ندي كلامهامعها فهي مكمن أسرارها .خلاص بقا يامنه اه هوا ارتحتي بقا بس ده كان زمان ولما سافر نسيت الموضوع .سلام بقا لاني عايزه اذاكر .

لتحاول منه إيقافها.استني يابت انتي بت .....

ندي بعد ماانهت الإتصال جلست تفكر في ماقالته منه وتذكرت وقت سفر كامل

فلاش باك .قبل سفركامل

كانت ندي تتحدث مع والدتها يعني هوا مسافرليه ياماما

هناء هيشتغل هناك ياحبيبتي ويكمل دراسته .

ندي .بس هيوحشني ياماما .

هناء .بكره يرجع ياحبيبتي وبعدين يوسف هنا العبي معاه هواكمان اخوكي زي كامل وبيحبك ..ذهبت ندي لغرفتها وبقيت تبكي فهي تحب كامل كثيرا وسوف يترك البلد ويغادر..باك.

لتعود ندي من ذكرياتها وتحدث نفسها. إيه الجنان ده الله يسمحك يامنه فكرتيني ليه .

علي مائده العشاء إجتمعوا جميعهم لتناول الطعام إلا ندي فقد قررت ألا تنزل لكي لا تلتقي بكامل بعد ما حدث بينهم في الصباح.

سأل محمود عنها والدتها ندي فين ياهناء؟.

أجابته هناء متحججة . شكلها بتذاكر يحاج منزلتش لسا.

التفت محمود محدثا ولده يوسف .اطلع خليها تنزل يايوسف هيا متغدتش معانا .

استقام يوسف ليذهب إليها وأثناء ذهابه هتف للجميع .حاضر يبابا هنزلها وبالمرة اصالحها لزعلانه مني بس انا جبتلها حاجه بتحبها اوي تخليها تصالحني علطول انا عارفها كويس تبيع اعضائهاعلشان الشكولاتة .

هددته خالته عندما إستهذء بندي .بتتمألس عليها ياواد طب اني هجولها.

ليتراجع يوسف .لا الله يخليكي بلاش انا مقدرش علي زعلها الا ندي .

إنتبه محمود علي إبنه كامل الذي كان يستمع بصمت ولكن ظاهري فقط فإبنه من الواضح أنه لن يتمالك نفسه قريبا فغيرته واضحه وهوا سيستغل هذه النقطة بكل قوتها. انتبه أيضاعلي رد فعل كامل وهو يضغط علي عضلات فكه بعصبيه وكفه يقبض علي كوب الماء كاد ين**ر من الغضب فتأكد من حبه لندي . وقرر أن يستغل غيرته لتحريك قلبه تجاه ندي فهتف يحث يوسف علي الإسراع يلا ياواد انتا اخلص اطلع هاتها من فوج بسرعة خلينا ناكل

أسرع يوسف وأثناء صعوده كان يهتف بإسمها ندي ندددددي .

إستمعت له ندي واتجهت لتفتح الباب وتقف علي عتبته وتضع يدها علي خصرها

وتحدثه بغضب واضح من نبرة صوتها نعم يايوسف خير عايز ايه .

إقترب منها يوسف يعتزر لها علي ما بدر منه صباحا . خلاص بقا ياندوش انتي الي بدأتي وكبيتي عليا المياء وكمان انا ببدأ بالصلح ياستي اتفضلي وهوا يخرج من جيب جاكته الشكولاتة المفضلة لها.

إقتربت ندي بلهفه وهيا تخطفها من يده الشكولاتة وتعفوا عنه .اذا كان كدا خلاص مسمحاك .

ليستفزها يوسف وهوا يهزء منها ومن عشقها للحلوي ماديه حقيره اوي ويضربهاعلي راسهامن الخلف

.لتركض خلفه السلم وهي تصرخ به .والله منا سيباك يايوسف انتا اصلا رخم .

ضحك عليها وعلي طفولتها وجري أمامها وهوا يصيح بصوت مرتفع مش ارخم منك ياحبيبتي .

هبطت ندي سلالم البيت حتي وصلت للبهو حيث يجتمع العائله وهي تصرخ علي يوسف .طيب والله منا سيباك وظلو يركضون خلف بعض ولكن اوقفهم صوت تحطيم كاس علي الارض.

إنتبه الجميع علي صوت تحطيم كاس لينظروا بإتجاه الصوت ويجدوا أن كأس الماء الذي كان يشرب منه كامل محطم أرضا والذي كان يتابعه محمود وهوا يفتعل إفلاته من يده ليوقف مزاح ندي ويوسف فتحدث أولهم ليسأل كامل .مالك ياكامل في ايه .

ليجيبه كامل مفيش ياحاج الكاس فلت من ايدي بس مخدتش بالي .

ليبتسم والده ويسأله بعبث. وإيه إلي شاغل بالك ياولدي .

إستقام كامل واقفا وهوا يحدث والده .مفيش حاجه انا رايح اوضتي ارتاح تصبحوا علي خير .

وقبل صعوده التفت لندي ونظر لهابعض الوقت بغضب واضح ثم. ذهب سريعا لغرفته.

أما ندي فتعجبت من حدة نظراته إليها وكانت تحدث نفسها هامسة مالو ده بيبص كدا ليه شكله عايز يضربني .

أفاقها يوسف من غفلتها سائلا .مالك يابنتي يلا نروح ناكل .

لتنتبه له ندي . ها ماشي ماشي يلا

.وفي نفسها بقيت تفكر في الأمر هل من المعقول أن كلام عمها صحيح هل حقاكامل يغير عليها من يوسف ويتدايق من مزاحها معه

لتدث نفسها متوعدة لكامل فقد أدركت نقطة ضعفه ‘سوف تستغلها لتؤكد له أنها فتاة ناضجه وليست صغيرة كما قال

أنا لازم اتأكد بنفسي منه وهوريك ياكامل مين الصغيره الي كنت بتتكلم عليها دي .

اما كامل بعد ان صعد لغرفته ظل يجوب الغرفه ذهابا وإيابا وهوا يتحدث بغضب وبصوت مرتفع.

ايه الي بيعملوه ده مش عملين لي اي اعتبار ولا كأني موجود .ازاي تهزر معاه كدا دانا جوزها من ساعه ماجيت مكلمتنيش كلمتين علي بعض .ايه الي بيحصلي وليه فارقه معايا كدا ليه قلبي بيتحرق من مجرد كلامها مع غير أنا لسا شايفها من يومين لحقت تعمل فيا كل ده وكمان بقولو جوزها هوا انا خلاص صدقت اني جوزها بصحيح ولا ايه انامالي إيه إلي بيحصلي شكلي زي ماقال الحاج هيا عجباني لا عجباني ايه اكيد لا هوا بس علشان بقت علي اسمي لازم تحترمني مينفعش الي بيحصل ده .