CHAPTER 36: Yesterday Town
HUMALUKIPKIP ako at hindi na sumingit pa sa pagsasalita ni Elixir nang rude niyang ianunsyo sa mga kasama naming alipin nila na magpatuloy na ulit sa paglalakbay pagkatapos kong ibalita sa kanila kung anong klase at kung anong hitsura ng lugar na unang destinasyon namin.
Magpapatuloy na sa paglalakbay kahit hindi pa rin halos makita ng kahit isa sa ‘min ang buong paligid dahil sa sobrang dilim ng mga ulap sa langit. Kahit ilawan mo pa ang daanan, mahamog ang buong kagubatan.
Walang pakialam si Elixir, kahit malakas pa rin ang ulan.
Ang sama talaga, palibhasa hindi siya ‘yong mahihirapan sa labas nitong sinisilungan namin sa sinasakyan. Pati ‘yung mga kabayo ay baka bumigay pa nga, hindi niya man lang ‘yon maisip, ang lakas- lakas ng buhos ng ulan at hindi pa
