EPISODE 48
SABINA VERONICA’S POINT OF VIEW.
“MAHAL kita, Veronica.”
Hindi ako makapagsalita sa sinabi ni Caden sa akin ngayon… sa pag amin niya na mahal niya ako. Oo, hindi ako makapagsalita at hindi ko alam ang aking sasabihin, pero hindi na rin ako nagulat masyado sa pag amin niya dahil umamin na rin siya sa akin noon… pero binawi niya rin kaagad. Ayoko nang mag expect lalo dahil masasaktan lang ako.
Tumango ako habang seryoso na nakatingin sa kanya.
“Okay, Caden,” walang gana kong sabi.
Kumunot ang kanyang noo at nakita ko ang pagtataka sa kanyang mukha ng iyon ang aking sinabi. Napailing siya at humakbang siya palapit sa akin at muli siyang nagsalita.
“Ang sabi ko ay mahal kita, Veronica!” muli niyang sabi.
Muli rin akong napatango. “Oo nga, mahal mo ako. Hindi ako bingi, Caden
