حبك نهاية

43

فاطمه: 9 بطلع من البيت ..

ام فارس: زين بطلع معاج .. بنزلج الجامعه وبروح السوق ..

فاطمه: زين .. شو عندج بالسوق ؟

ام فارس: باخذ قطع ابي افصل لي جلاليب حق البيت ..

فاطمه: زين انا بعد ابي ..

ام فارس: شكثر تبين ؟

فاطمه: ابي 3 ..

ام فارس: زين فديتج ..

بوفارس كان هادي .. وفاطمه استغربت هدوء ابوها .. تريقت وراحت تلبس .. دخلت غرفتها وحست ب*عور غريب .. حست بشوية توتر وقلق .. لبست ونزلت ..

فاطمه: ماما .. ماما ..

ام فارس: انا هني .. كانت ام فارس فالمطعم ترتب الطاوله ..

فاطمه: ماما يلا ..

ام فارس: زين بس بلبس عبايتي ..

فاطمه: اتصل فالدريول اقوله يجيب السياره ؟

ام فارس: اي فديت قلبج ..

اتصلت فاطمه بالدريول وام فارس لبست عبايتها .. طلعوا من البيت .. فاطمه نزلت الجامعه وام فارس راحت السوق .. طول الدرب فاطمه كانت حاسه بخوف وقلق .. اتصلت بتوأمها ..

عبدالعزيز: شو فيج فطيم ؟

فاطمه: مادري