CELINE
NANAIG sa akin ang dumaan muna sa simbahan dito sa Quiapo bago umuwi. Na-miss ko lang ang gawain ko noon noong dalaga pa lamang ako at nanliligaw pa lamang sa akin si Wade—sa isang unibersidad kasi malapit dito ako nag-aaral at madalas dahil katoliko ang pamilyang nakagisnan ko wala talaga akong liban sa pagsisimba kapag linggo o biyernes.
Madalas ko rin kasama si Wade kapag dumadating ang mga sandaling 'yon. Hindi naman ito tumatanggi sa akin at siguro nahihiya rin sa mga magulang ko.
But on the contrary, hindi niya naman kailangang gawin. Maayos naman kasi ako kahit mag-isa lang ako minsan kasi kasama ko rin si Manang Tabing, ang katiwala kong madalas kong kasama mula noong mga bata pa ako.
Iyon nga lang noong nagtapos na ako ng kolehiyo nagpaalam na rin ito kay mama at papa
