NAPATINGIN si Paige sa dereksiyon ni Gregory nang mapansin niya na isinarado nito ang laptop na nasa ibabaw ng executive table nito. Nakita din niyang iniligpit din nito ang hawak mga folder na nagkalat sa ibabaw ng mesa. Pagkatapos niyon ay tumayo na ito mula sa pagkakaupo nito sa swivel chair. Nakita din niyang kinuha nito ang itim na coat nito na nakasabit sa coat rack. At saka ito tumingin sa gawi niya. Agad namang nagtama ang mga mata nilang dalawa dahil pinapanuod niya ang kilos nito. Napansin nga niya na saglit pa itong natigilan nang magtama ang paningin nila.
"Let's go?" mayamaya ay wika nito sa kanya.
"Tapos ka na sa ginagawa mo?" tanong naman niya. Okay lang naman na mag-hintay siya do'n habang tinatapos nito ang ginagawa nito.
"I'm done," sagot naman nito sa kanya sa buong
