Kabanata 16
Caliyah's Point of View
Nakatulala ako sa kisame habang tuwid ang higa sa kama. Mag-uumaga na pero dilat na dilat pa rin ang mga mata ko at ramdam na ramdam ko pa rin ang bakas ng halik at haplos ni Jairus sa buong katawan ko. Napahibi ako nang pumasok sa isip ko si Knight. Nagkasala ako muli at mas mabigat ang isang ito.
Dahan-dahan akong bumangon at ibinalot sa kumot ang aking sarili. Sumandal ako sa headboard ng kama at niyakap ang tuhod ko. Napapikit ako ng mariin at mula sa madilim na senaryo sa isip ko ay nabuo ang mukha ni Knight kaya mabilis akong napamulat ng mata. Isinubsob ko ang mukha ko sa aking tuhod at tuluyang napaiyak.
May nangyari samin ni Jairus! May nangyari samin at nagustuhan ko 'yon! Anong gagawin ko ngayon? Baka..baka mabuntis ako! Humikbi ako at sin
