SIMULA NANG magkaayos sila ni Johann, tuluyan na ngang sinunod ni Corey na huwag nang pumasok sa Shoppe. Tulad ng dating gawi, wala siyang ginawa kundi ang magmukmok sa kuwarto niya at magsketch lang ng designs. Si Johann naman ang nagluluto at gumagawa ng gawaing bahay bago pumasok sa trabaho.
Nang makaalis ang asawa, pumunta siyang kusina at tinignan kung ano ang makakain doon. Pero bago iyon ay nahagip na ng paningin niya ang isang post-it note sa ref. Binasa niya iyon.
May shawarma akong ginawa, nasa ref. Initin mo lang sa oven kapag nagutom kana. Take Care. -Mr. Marquand. Hindi niya naiwasan na hindi mapangiti. Dinaig pa siya ng lalaki sa pagka organize nito at galing sa time management. Napakahimis ng unit nito at para bang walang nakatira sa bahay nito. Gumala ang paningin niya sa
