Chapter 49
Lisa’s Pov
NARAMDAMAN kong may humawak sa kamay ko kaya napasinghap ako. Wala kasi akong makita dahil hanggang ngayon ay hindi pa rin nila tinatanggal ang piring sa aking mata. Puro pakiramdam na lang ang ginagawa ko at baka itulak na pala nila ako sa kung saan-saan.
Hindi ako naiiyak dahil ayaw kong magsayang ng lakas. Ayaw kong mapagod ako at baka hindi ko masipa ang lalaking nagdala sa ‘kin dito at lalo na si Angus. Hindi ako papayag na ibang tao ang pumatay sa kanya. Kailangan ako upang maipaghiganti ko ang nanay ko pati na din si Dodoy na binaril ng mga lalaki.
Umaasa ako na tutulungan ni Kevin ang mga kapatid ko pati na din ang nanay ko na isinabit sa tulay. Wala akong oras para umiyak dahil baka manghina lang ako at hindi makayanan ang sakit na nararamdaman ko kapag
