"Hoy, Athena." Napataas ang kilay ko bago ko sila tingnan.
"Oh, bakit?" Lumapit ako sa kanila at tiningnan kung maayos ba ang pagkakagawa nila.
"Nakapag-design na kami, magsagot ka na. Hehe." Sabi ni Daldalita. Napairap ako. Nagkamali ako sa pagpili sa kanila bilang ka-grupo ko.
"Akin na." Sabi ko at hinila sa kanila ang project.
"Yehey! Ikaw na ang magdrawing at maglabel ah. Pati pala pakisagutan na din." Sabi ni Manok. Sinamaan ko siya ng tingin.
"Sabi ko nga, kami na mag-le-label." Sabi niya sabay takbo papunta sa sala ng bahay nila Daldalita.
Tiningnan ko ang papel na ginawa nila. It's neat and nice, ayos na ito.
Tiningnan ko ang libro na pag-ko-kopyahan ng project namin kay Professor Antonette. Bakit kapag galing sa kaniya ang isang bagay, parang may kung ano na nakatago dito?
