LILI’S POV
Naiinis ako dahil sa nangyayare ngayon. Hindi ko alam kung tama pa ba na sumama ako sa kanila o dapat ko na rin silang iwan tutal ay hindi naman din ako napapansin? Napakuyom na lang ako ng kamay ko at saka ako napatingin sa gawi nila Blaze at Sunny. Hindi ko alam kung anong nagustuhan ni Blaze kay Sunny at kung anong napansin nya dito na wala sa ‘kin.
Habang naglalakad kami ay tumabi naman sa ‘kin si Xena at saka nya ako tinignan na para bang sinusuri ang kung anong mero’n sa ‘kin. “Masyado ka ng nahahala,” sabi nito at umiwas ako ng tingin.
“Hindi ko alam ang sinasabi mo,” tanggi ko at saka dumistansya sa kanya.
“hindi mo ba alam o baka naman nagmamaang-maangan ka lang?”
“Masyado kang maraming sinasabi Xena,” inis na sabi ko.
“Matagal na kitang nakilala at noon na
