Chapter 5: Focus
HINATID siya ni Paul hanggang apartment niya kung saan kasama niya si Violet. Nitong mga huling buwan ay pinatuloy siya ni Violet sa apartment nito dahil nagpunta na ng ibang bansa ang magulang nito para doon na manirahan. Eksakto naman na nawalan siya ng trabaho.
Kaya naman kahit hiyang-hiya na siya sa kaibigan ay pumayag siya na tumira doon. Kailangan niya nang kapalan ang mukha niya dahil naubos talaga ang savings niya. Ang tirahan nito ay may dalawang kuwarto kaya naman laking pasasalamat niya at natulungan talaga siya nito.
Pero ipinangangako naman niya na dodoblehin niya ang bayad sa utang niya kay Violet. Hindi rin naman kasi ganoon kayaman ang pamilya nito kaya nga isang maliit na tirahan lang ang nabili ng magulang nito.
"Ingat!" paalam niya kay Paul.
"See
