أسير صورتها

الفصل السابع

الفصل السابع

---------

انت بتتكلم جد ياعمار .. مين عايز سما وم**م عليها كدة وهو ماشافهاش غير من يومين بس ؟؟؟

عمار وهو يهاتفها بعد حديث كريم معه :

واحد صاحبي اسمه كريم بيشتغل م**م أزياء محجبات .. هيتجنن عليها من وقت ماشافها

في فرحنا..ويومها سألني عنها وعرفته انها اختك .. وتاني يوم طلب مني احددله معاد مع والدك بأسرع وقت.. على فكرة كريم انسان كويس جدا يا لافندر .. وراجل اوي.. لو عندي اخت مش هتمنالها افضل منه!

لافندر بنبرة صوت حزين :

طب تفتكر سما هتوافق اصلا تقا**ه، ما انت عارف ياعمار سما لسة بتعاني، هي بتتظاهر انها بقيت كويسة، بس انا حاسة بيها، من وقت اللي حصل وهي مش بطبيعتها ولا مرحها بتحلم بالكوابيس كل ليلة..

ثم اكملت بصوت باكي : انا مش عارفة ازاي ممكن اسيبها لوحدها مين هيصحيها بعد كل كابوس وياخدها في حضنه ويهديها ويقرأ قرآن لحد ماتنام صعبان عليه حالها ومش عارفة اساعدها ازاي ..

عمار : حبيبة قلبي ماتبكيش عشان خاطري.. احسن أجيلك دلوقتي وامسح دموعك بطريقتي.. ومش مسؤول عن اللي هيحصل بعدها ...

لافندر بضحكة قصيرة من وسط دموعها:

احنا في ايه ولا في ايه بس ياعمار .. انا بجد خايفة علي سما قلقانة ومش ببطل تفكير ..

عمار : اهدي انتي بس وانا هكلمها المرة دي ...

كريم صاحبي بجد خسارة تضيعه.. محدش هيصونها زيه وواضح جدا انه شاريها وعايزها هي بالذات..

وعشان واثق فيه جدا .. انا هاكلم سما بنفسي ...

لافندر بأمتنان :

انا مش عارفة من غيرك في حياتي كنت عملت ايه ياعمار .. .

تمتم بحب : انتي اللي أحلى حاجة في حياتي .. انا محظوظ بيكي واكيد عملت حاجة حلوة في حياتي عشان كرمني ربنا بيكي ياعمري ..

أنا بقيت اعد الايام اللي فاضلة عشان تكوني معايا ومانفترقش ابدا ياقلب عمار...

لافندر بحب : ربنا مايحرمني منك ويجعلني زوجة صالحة ليك ياعمار..

عمار : عمار مين ؟؟؟؟؟

لافندر ببرأة : انت نسيت اسمك ولا أية ؟!!!

عمار : يعني ينفع انا عمال اقولك يا حبيبتي ياعمري ياقلبي..وانتي لسة بتقولي عمار ..

لافندر بعد ان فطنت لمقصده :

طب هو انت هتكلم سما امتي ؟؟؟؟

عمار بخبث وهو يدرك هروبها :

لو ماقولتيش اللي انا عايزه .. هتهور واجيلك دلوقتي واخليكي تنطقيها وانا عيني في عينك، قلت ايه ؟؟؟

لافندر وهي تشعر بالخجل الشديد ولا تعرف ماذا تقول :

عمار انت عارف اني بت**ف .. ليه عايز تحرجني .

عمار بحزن مصطنع : خلاص يا لافندر براحتك .. اما تحسي انك محتاجة تقولي حاجة قوليلي .. مش هضغط عليكي يمكن تكوني لسة مش بتحبيني او ......

قاطعته سريعا غير مدركة لفخه :

والله العظيم بحبك ياعمار ...!!!!

ثم ادركت مانطقت به دون ان تدري فكاد وجهها ينفجر احمراره خجلا.. وكان رد فعلها الوحيد هو أن أغلقت الهاتف سريعأ بوجهه.. واخر ماسمعته قبل ان تغلق هاتفها ضحكته العالية المنتصرة!

فتمتمت بغيظ : ماشي ياعمار بتتذاكي عليا وتوقعني في الكلام طب والله لاوريك،واحرمك تتلائم عليا انا هوريك!

سما بسخرية: كبدي عليكي ياضنايا .. انتي بتكلمي نفسك يا لافندر .؟!!!!!

ألتفتت لافندر لسما التي دلفت لتوها الغرفة قائلة:

ايوة ياستي اتجننت كمان .. ماهو مادام جوزي واحد خبيث زي عمار يبقي لازم اتهبل كمان ..

سما : لا عندك لو سمحتي ماتقوليش كدة علي عموري ..ده واد سكرة وانا بحبه!

لافندر بغيظ :

بقي كدة يا بنت امي وابويا ..شكلك بتحبي عمورك اكتر من اختك

سما ضاحكة : ما انا اساسا بحبه عشان بيحبك يا هبلة!

لافندر : وكمان بتطولي ل**نك علي اختك الكبيرة .. طب تعالي بقى

وراحت تلاحقها جريا بالغرفة لتمسك بها.. واثناء ملاحقة لافندر لها اصتدمت سما بابيها الذي ارتمت بحضنه دون ان تدري

فقال ضاحكا : والله عيب علي طولكم ده.. وانتو بتجرو ورى بعض زي العيال كدة ..

لافندر وهي تلتقط أنفاس متقطعة من هرولتها خلف ش*يقتها: ماهي ل**نها طويل يا بابا وبتقول عليا هبلة ..!!

سما مدافعة عن نفسها وهي وتتدلل لأبيها :

دي هي اللي عايزة تض*بني يابابا .. من غير ما أعملها حاجة ..

لافندر وهي تجز علي اسنانها: أنتي بتكدبي قدام بابا كمان ياكدابة ..

فقاطعهم ابيهم بصوت عالي قائلا :

بسسسسسس .. اية يابنات اتهبلتو ولا أيه ...

سيبكم من لعب العيال ده وتعالو عشان نتعشي سوا .. بلاش جنانكم ده علي كبر ...!!!!

_____________

يجلس على الشاطيء وحيدا يشاهد شروق الشمس ..

يصفي ذهنه بعد صدمته بزواج صديقه عمار بحبيبته لافندر ..كان لابد له ان يختلي بنفسه بعيدا عن نظرت الدته القلقة عليه

ونظرات والده المتسألة ب**ت عن ما يحزنه ...

خدمته الظروف ..فمديره الذي يحبه كثيرا ويحترمه ويقدره ..

ما ان طلب أجازة لتجديد نشاطه وصفاء ذهنه ..

حتي منحه موافقته .. بل عرض عليه قضاء اجازتة بشالية خاص يمتلكة في مرسى مطروح بمنطقة هادئة نوعا ما ..

فلم يرفض بل رحب باقتراحه .. وامتن له كثيرا ...

تن*د جواد وو يرجع برأسه مستندا علي صخرة كبيرة خلفه

ويشرد في مشهد الشروق الرائع .. صنع الخالق سبحانه وتعالي ..كم افاده وجوده هنا ... أصبح اكثر هدوءا من زي قبل

منذ ان رأها وبركانا يشتعل قلبه.. ولكن هذا قدره .. ولابد ان يتقبله برضا ..لو كانت نصيبه هو .. ما كانت لغيره ..!!!

هي ليست له .. يكفيه انتظاره سنوات على أمل كاذب

وسراب تعلق به.. كان لابد أن يحكم عقله..كيف يتعلق بفتاة من صورتها؟!

كيف انتظرها واستحل عذاب نفسه بيديه ..

مخطيء انت يا جواد .... مخطيء بحق نفسك .. واهلك ..وسنوات عمرك التي مضت و لن تعود ثانيا..!

لابد ان تعود لرشدك وتحرر روحك من المأسورة لها..!

_________________

عمار : عايز تخطب مين ؟؟؟؟؟

كريم : صبرني يارب علي ده صاحب ..

بقالي ساعة بفهمك ... انا ... معجب ... بسما ... اخت مراتك، وعايز اتقدملها.. اوضح ايه تاني عشان البعيد يفهم ؟؟؟؟

أجاب : يابني انت لسة شايفها اول امبارح، ازاي عايز تتقدملها كدة على طول ..انت ماتعرفش عنها غير أسمها ..

كريم : عمار انا عارف اني مالحقتش اشوفها ولا عرفتها ولا عرفت شيء عنها .. بس عندي احساس غريب ان هي دي نصي التاني، احساسي بيها مختلف صدقني .. كل اللي بتقوله ده هعرفه اكيد اما اقعد معاها .. بس حبيت ابتدي الموضوع من بابه وبالأصول، ماهو ازاي هتعرف عليها إلا بشكل رسمي؟! ووقتها هتكلم معاها .. واكيد ساعتها هنقعد ونتعرف علي بعض..!!

**ت عمار مفكرا .. هل يخبره بما حدث لسما

وخطبتها السابقه لشخص حقير وكل ماحدث معها ..

ام انه لا يحق له التدخل بهذا الامر .. لا يعلم ...!!!

كريم : هي سما فيها حاجه تعيبها لا سمح الله ياعمار ؟؟؟

عمار نافيا بصدق : بالعكس.. دي بنت من احسن البنات .. أدب وأخلاق وطيبة .. وبجد يا بخت اللي هياخدها وتكون من نصيبه ...!!!

كريم : هتكون من نصيبي ان شاء الله ..

عمار : ده انت شكلك وقعت بقي ياعم ..

كريم : والله شكلي كدة فعلا، واحتمال اتجوز معاك كمان

عمار : ايه الثقة دي .. مش لما توافق عليك اصلا ..

كريم بثقة : اكيد هتوافق.. انا ما اترفضش يابني ..

انا طول بعرض بوظيفة ميري .. وعنية خضرة ...وبعرف اطبخ !

عمار : تطبخ ؟!!!!!! هو البيض المسلوق دلوقتي بقي طبيخ ؟؟؟والله ما كنت اعرف ...!!!

كريم ببرود: اد*ك عرفت!

اخلص بقي وكلمهم وخدلي معاد في اقرب وقت..!!