TASHA
Matagal ang naging tulog ko.
Pagkagising ko ay agad akong bumangon upang magmumog at lumabas.
Kabubukas ko pa lamang ng pintuan nang makita si Lucio na palabas rin sa kabilang kuwarto.
Napaangat ang mukha nito sa akin.
"Gising ka na pala , Tasha.
Tamang-tama gising na rin si Bossing..." Ang nakangiting anito.
Maaliwalas ang mukha niya.
Siguro masaya rin siya na gising na ang amo niya.
Napabuka ang aking bibig sa narinig.
Kasabay ng saya at kaluwagan sa dibdib ko.
Sa wakas ay nagising na rin ito.
Natunaw at naglahong bigla lahat ng pangamba at takot ko.
Na baka hindi na nga ito, magising pa.
Hindi ko mahagilap sa isip, kung anong petsa na nga ba?!
Kung ilang araw na ba kaming nanatili rito.
Nilingon ko ang papag na kinahihigaan niya.
Tanaw ko nga na gising na siya at
