عشقت فتاة الصعيد (حياة المعتز)

الفصل الثاني...

حياة: وياتري ملكش اي علاقة عاطفية قبل كدا

معتز بحزن: كنت هتجوز من اربع سنين واحده من الصعيد ولا شوفتها ولا حته اعرف اسمها

حياة بتوتر: واي اللي حصل

معتز: ولا حاجه مقدرتش اتقبل الفكرة ان ازاي شاب في مكانتي وتعليمي يتجوز واحده من الصعيد الله اعلم بحالها وبشكلها واكيد جاهله زي كل بنات الصعيد فهربت يوم الفرح

حياة بعصبيه: ووووه ومين جال (قال) ان بنات الصعيد جاهله يا معتز بيه لعلمك بنات العصيد هي احسن بنات ومتربين زين (كويس) ويفهموا في الاصول وميفتهومش حاجه واصل (خالص) وانت غلطان من ساسك لرأسك

معتز بصدمه: اي اللي حصل دا انتي ازاي قلبتي صعيدي بالشكل دا هو انتي من الصعيد

حياة بتوتر: لا لا مش من الصعيد بس ليا صحاب من هناك وكنت بشوفهم بيتكلموا كدا وانا بقيت لما اتعصب اتكلم زايهم

معتز بتفهم: تمام انا عارف اني غلطان بس كنت شاب طايش ولسه صغير ميفهمش حاجه في اي حاجه وكان غصب عني

حياة: وهيفيد بي اي الندم انت متعرفش اي بيحصل في بنات الصعيد بعد حركه زي دي ياتري اي حصل للبنت دي اكيد ذنبها في رقبتك

معتز بحزن: انا فعلا شايل ذنبها ومش عارف اعمل اي ياريت الزمن يرجع بيا ومكنتش عملت كدا خالص بس برضو هي...

ومكملتش معتز كلامه بسبب تلفون حياة اللي رن...

حياة: ثواني معلش.... الووو.... بجد.... تمام انا جايه علي طول

معتز: في اي

حياة: معلش لازم اقوم دلوقتي ورايا مشوار مهم

معتز: تحبي اجي اوصلك

حياة: شكرا مش عايزة اتعبك

معتز: ولا تعب ولا حاجه يلا بينا

*عند كريم وامه في الشقة...

سعاد: يا ابني اعقل مش هينفع اللي بتقوله دا

كريم: مش قادر يا امي انا بحبها من بدري ومش قادر اسكت او اخبي اكتر من كدا

سعاد: بس حياة مش بتحب حد دلوقتي ومش جاهزة لخطوة زي دي اسمع مني يا ابني واصبر شوية

كريم: ياريته بي ايدي بس انا خلاص قررت اعترفلها ممكن تساعديني بقي

سعاد: امري لله يا ابني بس اللي هتعمله دا غلط

كريم: متقلقيش يا امي كل حاجه هتبقي كويسه

*في بيت خالة معتز....

الام: انتي اتجننتي يا بت ولا اي في يوم وليله كدا غيرتي رايك

نسرين: ملكيش دعوة انتي انا عارفه بعمل اي كويس اوي

الام: فهميني بس انتي ناوية علي اي

نسرين بضحك: ناوية اخلي معتز يتجوزني غصب عنه لما يلاقيني بلعب بي اخوه او هخسرهم بعض

الام: بطلي يا نسرين واعقلي مضيعيش كل حاجه من ايد*ك وبدام مازن بيحبك يبقي خلاص اتحلت اهي

نسرين: قولتلك مية مره انا مش هسيب الرأس الكبيرة وامسك في حته العيل دا

الام: يا بنتي افهمي مهما عملتي دوال اخوات مش هيخسروا بعض ومعتز مستحيل يتجوزك دا واخد طبع ابوه وانا عارفه كويس

نسرين بغضب: اسكتي انتي بس ومتدخليش وابقي وافقي علي مازن لما يجي وبس

الام: انتي حره يا بنت بطني انا تعبت معاكي

*في العربية قبل وصول حياة ومعتز...

معتز: متقلقيش ان شاء الله هتبقي كويسه

حياة ببكاء: انا مليش غيرها لو حصلها حاجه هروح فيها بجد

معتز: انا معاكي اهو وكل حاجه هتبقي كويسه اطمني بس هي تقربلك اي

حياة: هي زي امي بالظبط وغالية عليا اوي

معتز: طب اهدي ادينا وصلنا اهو باذن الله مفيش حاجه

اول ما طلعوا وفتحت الباب اتصدمت من اللي شافته.....كان البيت متزين كله بالبلالين والورد وفجاه ظهر كريم وسعاد

حياة: هو في اي انتي كويسه يا حبيبتي اي اللي بيحصل هنا دا النهارده مش عيد ميلادي

كريم: اهدي بس يا حبيبتي وهفهمك كل حاجه... اهلا يا استاذ معتز

حياة: اسفه كنت خايفه علي سعاد وعشان كدا جه معايا عشان مكنتش قادرة اسوق

سعاد: نورتنا يا ابني اتفضل البيت بيتك

معتز: تسلمي يا رب يا مدام سعاد

حياة: فهمني يا كريم بجد في اي واي حكاية حبيبتي دي

كريم وهو بيقعد علي ركبته وطلت خاتم: بصي يا حياة انا من ساعه ما شوفتك وانا بحبك ومش عايز من الدنيا دي غيرك وعايزاك تكوني معايا لاخر العمر وتكوني مراتي وام عيالي... حياة تقبلي تتجوزيني

كان معتز متعصي اوي بس فضل ساكت ومستني رد حياة

حياة بتوتر: كريم اي اللي بتعمله دا بعد اذنك قوم اقف انت عارف انك اخويا واني بعزك جدا بس عمري ما فكرت فيك غير في كدا

كريم: بس انا بحبك يا حياة وهعمل المستحيل عشان اخليكي اسعد انسانه في الدنيا كلها

حياة: انا اسفه يا كريم مش هقدر اضحك عليك انا مش شايفك غير اخويا وبس وبتمني متخسرش المكانه دي

_دخلت حياة الاوضة وقفلت علي نفسها وفضلت تعيط ومش عارفه تعمل اي ومعتز استاذن ومشي بعد ما حس بالراحه من رد حياة علي عرض كريم هو ميعرفش ليه حس بكدا بس هو مبسوط كريم طلع علي شقته فوق وهو م**ور بخاطره... تاني يوم صحيت حياة ودخلت لسعاد...

حياة: سعادة انا اسفه بس انتي عارفه اللي فيها انا مقدرش اضحك علي كريم وبتمناله الاحسن مني والله ارجوكي افهميني

سعاد: انا فاهمكي يا حبيبتي وقولتله بلاش وانك متنفعهوش بس هو مسمعش مني متقلقيش هو شوية وهيبقي كويس

حياة: شكرا يا سوسو بجد ريحتيني وبتمني كريم كمان يفهمني

سعاد: سيبك من كل دا اللي كان معاكي امبارح دا هو نفس الشخص صح

حياة بحزن: اه هو يا سعاد انا بقيت خايفه وبفكر اعرفه ان انا العروسة

سعاد: اوعي تعملي كدا يا حياة انا امبارح شوفت في عيونه نظرة الاعجاب وبكدا انتي ماشيه صح

حياة: انتي عارفني يا سعاد انا مش بحب اذي حد بس هو اللي وصالني لكدا

سعاد: طب يلا يا حبيبتي علي شغلك

*في بيت معتز صحي مازن وحضر الفطار لاخوه ونزل معتز واستغرب قوي....

معتز: خير مش مرتاحلك ياض انت عايز اي

مازن: علي طول قفشني كدا الواحد مينفعش يدلعك شوية من غير ما يكون عايز حاجه

معتز بضحك: متبقاش مازن يا حبيبي انجز بقي عايز كام من الاخر

مازن: لا انا المرادي مش عايزة فلوس يا معتز انا عايز حاجه اكبر بكتير

معتز بعدم فهم: متتكلم علي طول يا مازن قلقتني عايز اي يا حبيبي

مازن بتوتر وخوف: بصراحه يا معتز انا عايز اخطب نسرين بنت خالتنا

معتز وهو بيكح: نعم تخطب مين يا مازن انت اتجننت ولا اي ما انت عارف نسرين عايزة اي

مازن: هي كانت هبله وطايشه يا معتز وجت اعترفتلي بحبها امبارح وانت عارف اني بحبها ارجوك مترفضش

معتز: بس يا مازن

قطعه مازن: يا معتز وحياتي عندك بقي انت عارف قد اي بحبها واللي كان منعني عنها انت

معتز: خلاص موافق

مازن: ربنا يخليك ليا انت احسن اخ في الدنيا كلها هحدد معهم وهعرفك يا حبيبي

معتز: ماشي يا حبيب اخوك... وفي نفسه... ياتري انتي عايزة توصلي لي اي يا نسرين انتي اللي جبتيه لنفسك انا مش هسمحلك تلعبي بي اخويا

*في كافيه علي البحر كان كريم قاعد لوحده وسرحان في البحر وفجاه جت عليها بنت وقعدت معه وهو محسش بيها...

شيماء: طب وبعدين هتفضل سرحان كدا لحد امتا انت ممكن تتكلم وانا هسمعك علي فكره

كريم: افندم حضرتك بتكلميني انا انتي هنا من امتا وازاي محستش بيكي

شيماء: اللي واخد عقلك انا بقالي ساعه قاعده هنا احكيلي مالك

كريم بعصبيه: وانتي مين اصلا عشان احكيلك اي الق*ف دا عن اذنك

شيماء: كريم استنا بعد اذنك

كريم باستغراب: انتي كمان تعرفي اسمي انتي اي حكايتك بالظبط

شيماء: طب اقعد وانا هفهمك كل حاجه

كريم: اديني اتزفت اتفضلي اتكلمي

شيماء: انا اسمي شيماء باجي الكافيه هنا من سنتين وكل يوم اشوفك بس الغريب ان النهارده انت علي غير العادة والحزن مسيطر عليك فاتشجعت وجيت اعرف مالك

كريم بحزن: انا حقيقي تعبان اوي هو ليه اللي بنحبهم مش بيحبونا

شيماء: مش يمكن عشان حبينا الشخص الغلط وفي شخص تاني بيتمني مننا كلمة واحده

كريم: ازاي القلب يتحرك للشخص الغلط دا مستحيل يحصل

شيماء: لا خالص دي بتحصل كتير اوي ساعات لما نشوف شخص ومش بنلاقي قدامنا غيره تلقائي بنحس اننا بنحبه رغم ان دا مش موجود

كريم: طب لما الشخص دا يطلع مش بيحبنا المفروض نعمل اي

شيماء: ببساطه نعيد حسابتنا من اول وجديد ونفكر سوي وبنبص حوالينا يمكن نلاقي شريك حياتنا طول الوقت جانبنا واحنا مش واخدين بالنا

كريم: عندك حق انا لازم افوق لنفسي واعيد حساباتي من جديد شكرا جدا ليكي عشان سمعتيني واسف علي طريقتي في الاول

شيماء بضحك: ولا يهمك المهم انك بقيت احسن وبتمني اي وقت تحب تتكلم فيه هتلاقيني موجوده عشان اسمعك يا صديقي عن اذنك بقي

*في شركة حياة وصل معتز وطلع علي مكتب حياة خبط ودخل...

حياة: خير يا معتز في حاجه

معتز: ممكن اتكلم معاكي شوية انا بجد محتاج حد يساعدني

حياة: خير في اي اتفضل انا سمعاك

معتز: محتار اوي يا حياة بين سعادة اخويا وحزنه وكله متوقف عليا

حياة بدون فهم: ازاي ممكن توضح اكتر

معتز: نسرين بنت خالتي بتحبني ومجنونه بيا ولما رفضتها بدل المره عشره راحت لعبت علي اخويا لانه بيحبها وقالتله انها بتحبه وهو

حياة: اي الق*ف دا وبعدين

معتز: اخويا م**م يتقدملها ويخطبها وانا مش عايز كدا لاني متاكد انها بتلوي دراعي بيه عشان معنديش اغله مني

حياة: يبقي نفذ لاخوك طلباته وخليك جانبه واوع تسيبه وساعده يشوف حقيقتها بس بطريقة غير مباشرة عشان متمسكهاش عليك

معتز: حاضر يا حياة شكرا ليكي جدا

حياة: ولا يهمك يا معتز في حاجه تاني

معتز: هو انتي ليه بتعمليني كدا

حياة: اظن انا حره ومليش في الهزار والضحك و***ب العيال دا قولتلك مية مره الشغل شغل

معتز: تمام يا حياة عن اذنك

_اول ما معتز ركب العربيه لاقي الباب اتفتح ونسرين ركبت جانبه...

معتز: عايزة اي يا نسرين مش عملتي اللي في دماغك

نسرين: انا لسه معملتش لكن هعمل كتير اوي لو مفوقتش متنساش ان دلوقتي حياة اخوك في ايدي بص كدا اي رايك بقي....

يتبع....