From Mavingit
Sorry babe. Gonna be busy this afternoon. I don’t know if I can manage to go home tonight. Babawi ako. I promise.
Agad akong nadismaya pagkakita sa mensaheng pinadala ni Mavi. Kanina pa ako nakatutok roon mula nang matanggap iyon, umaasang mapapalitan iyon ng magandang balita, ngunit ilang minuto na akong naghintay, bigo pa rin ako. Bihira na nga lang akong mag-text sa kanya sa takot na baka nagiging abala ako tapos ganito pa ang mga natatanggap ko.
In-off ko ang aking phone. Napahalukipkip ako sa kinauupuan at bumaling sa labas ng bintana, hinahayaang tangayin ng hangin ang mga bumabagabag sa aking isipan ngunt hindi ako nagtagumpay dahil mas lalo lamang iyong inihahampas sa akin.
Nami-miss ko na siya, tapos paghihintayin niya lang ‘tong beauty ko? Ano siya, special?
T
