Yasmine
SA PAGPASOK KO sa sala sa bahay nina Tita, agad kong nakita ang bagong dating na si papa, hindi pa siya nakakapagpalit ng damit at problemado ang mukha. Namumula ang mga mata niya nang makita ako. Suminghot ako at nilapitan siya.
Ngunit isang malakas na sampal ang natanggap ko sa kanya na siyang dahilan ng panlalamig ng buong katawan ko. Sa lahat ng tao sa pamilya ko, si papa lamang ang bukod tanging hindi ko maiisip na sasaktan ako. Since I was a kid, he is our disciplinarian, ngunit ni kailanman ay hindi ako nakatanggap ng pananakit sa kanya. He is always gentle and soft to us, lalo na sa akin.
“Pa,” napahagulhol ako ngunit nanatili ang matigas niyang mukha.
Hinawakan niya ang braso ko at sinampal pa ako ng isang beses, doon ay naalarma na sina Tita.
“Wesley! Tama na!” um
