LLEAMA'S POV
Palihim kong sinusulyapan si Eleazar, at sinusubukang maintindihan ang ekspresyon sa kanyang mukha. Pero, kahit anong gawin ko ay hindi ko iyon mapangalanan. Hindi ko mabasa kung ano ang tumatakbo sa isipan niya.
"Will you, stop staring at me?" Biglang bulalas niya sabay lumingon sa akin.
Umaakto ako na parang wala lang at kagaya ng gusto niya ay inalis ko ang tingin ko sa kanya at itinutok iyon sa bintana.
Gusto kong itanong sa kanya ang tungkol sa nangyari kahapon, pero sa t'wing susubukan kong buksan ang bibig ko para magsalita, ay napapahinto ako na para bang may pumipigil sa aking magsalita. Kaya minabuti ko na lamang na manahimik at hintayin siyang kusang magsalita.
"Kung kausapin ako, Akala mo talaga ay hindi siya nawala nang ilang araw," bulong ko pa habang patu
