الفصل الأول

1247 Words

الفصل الاول " ضحية المجتمع " تدور الأيام والزمن ونكون نحن ضحيتها لم نتغير ولكن تغيرت وتغير الأحوال معها ، فأصبح الفتاة المتروكة بعد خطبتها معابه ‘ المتأخرة فى الزواج عانس بلا أخلاق ‘ المطلقة فاسدة ‘ الأرملة صائدة كلهن مجرمات لم تنجى منهن إلا المتزوجة التى وجب عليها الصبر والأحتساب حتى لا تكون مثلهن مجرمة ! مجتمع بيه إعاقه وخلل ، يهاجم ويساند وكأنه شخص لديه انفصام بالشخصية "شيزوفرنيا " بكلامه وأفكاره محب وديموقراطى لكن ‘ بأفعاله رجعى متخلف متمسك بالعادات الباليه الفاسدة منها . لتبدأ قصتنا هناك فى مدينه الاسكندريه ،فى إحدى الكافيهات المطله على البحر تقف فتاة مستندة على سور المطل على البحر تنظر إلى البحر وأمواجه تحاول أن تبحث عن "الجواب " لما هى؟ ما ذنبها ؟ تعاتبه وتناجيه بعينها الرماديه المدمعة التى ضاع بريقها من كثرة البكاء ، فحياتها أصبحت قاتمة سوداء مثل الرداء والحجاب التى ترتديهم الأ**د لونهم ،لم تكن تشعر بنسمات الرياح الخفيفة المدله على إقتراب الشتاء وبدايه السقيع وكأنها فى عالم أخر يجول فى رئسها ، لتفيق على صوت .... -رحيل ! يا رحيل ، أنتى يا بنتى رحيل منتبه لقدوم رفيقتها = ها ! إيه يا احلام ده كله اتأخرتي أوى احلام = آسفة والله ، على ما أحمد روح البيت رحيل= اه ، ألف سلامة ربنا يشفيه ويقوم بالسلامة أحلام بتنهيده = يارب يا رحيل يا رب جلسات الكيماوى دى تخلص ويخف لتقترب رحيل من صديقتها وترتب على يديها برقه = إن شاء الله ، خلى أملك فى ربنا كبير أحلام= ونعمة بالله ، ها كنتى عايزانى فيه إيه رحيل بخجل = أنتى عارفة أنى خلصت عدتى من شهرين إلا عشرة ايام احلام= الله يرحمه "على " تقريباً كده متوفى من 6شهور رحيل = اه ، وأنا من ساعة ما عدتى خلصت وبدور على شغل ، أنتى عارفة أنى دكتورة تحاليل رغم كده صعب الاقى شغل فى مجالى وبشتغل تمريض بالمعهد التمريض الخذته مع الكليه احلام= ايوة ، بتشتغلى تمريض زيي ، إيه المشكلة بقى ! رحيل= أنا حولت أشتغل بمجالى فى شركة أدويه لكن مقدرتش احلام = ليه!! رحيل بحزن وضيق = كل شغل أقدم فيه وأقول انى (أرمله ) يتحول القدمى نظرته ليا وكأنى مرتكبه جريمة ونظرات غريبه ، تخلى الواحد يشمئز ، نظرات ش**ة وخبث كده مش مريحة و تخلينى أخاف وأتراجع أخاف على نفسى يا أحلام ، بقيت بخاف من الناس ومن نظرتهم ليا أحلام بأس= معلش يا رحيل ، ربنا معاكى بس أكيد الكل مش كده رحيل= أنا عايزة تشوفيلى شغل ك ممرضة فى مستشفى ال انتى شغالة فيها ، مش جوزك تقريبا قريب صاحبها أحلام= اه يبقى قريبه، بس يا رحيل أنتى هتعملى إيه؟ رحيل= دلوقتى مصاريف البيت بقت كلها عليا غيرمصاريف رحيم (أبنها) بيبى ومحتاج لبن وغيارات وسليم (أخيها ذو 14 عام ) ومدراسته ، وماما وأدوية الضغط والسكر المصاريف كتيير أوى يا أحلام أحلام= ربنا معاكى يا رحيل الحمل تقيل عليكى هتقدرى لتتن*د رحيل بملامح حزينه = معاد القرض الخذته ساعة ما "على " (زوجها المتوفى ) كان عيان تسديده قرب وفلوسه مش معايا حاجة منه لتتفأجى أحلام = انتى خذتى القرض بأسمك ؟!! رحيل = اه آمال أنتى فاكرة إيه؟ احلام= أنتى أكيد أتجننتى يا رحيل ، أنا مش عارفة فرطى فى نفسك كده ، الأول رضيتى بالوضع بأنك تتجوزى " على " بالطريقه دى كأنك مزلولة وعينك م**ورة ، وبعد ده كله تربطى نفسك بسلاسل ديون ليه ليه يا رحيل؟ رحيل ببكاء = بس يا أحلام بس احلام= أنتى مكنتيش أول ولا أخر واحدة خطبها يسبها قبل فرحها بثلاثة شهور ، عشان فى الأخر ترضى تتجوزى على رحيل ببكاء= انتى مش عارفة أنا سمعت إيه من 7 سنين ، كل واحد أو واحدة يقول يا ترى الدكتور سابها ليه؟ ليه وليه ، هى مش دخلت كليه عاليه وهتبقى دكتورة تحاليل أدى الدنيا ، ليه خطبها الدكتور يسبها ويسافر ، أكيد معيوبه ، أكيد شاف حاجة وحشه فيها ، يمكن خد غرضه منها وسابها كل فرد وجه أصابع الاتهام ليا ، لمجرد أنه كان أنسان أنانى فكر بنفسه وبس لتقوم أحلام من الكرسى وتحتضن رحيل= معلش يا رحيل سمحينى أنى فكرتك بالحصل أنا بس صعبان عليا البيحصلك والممكن يحصل من أهل رحيم رحيل = محدش عارف حاجة عن رحيم ، ميعرفوش أنه موجود اصلاً ، أنتى مفكرتنيش بحاجة يا أحلام الدوامة رجعت من تانى ويمكن أكتر والهمس واللمز أنى بقيت أرمله يا ترى بتروح فين ؟ متأخرة ليه ؟ شوفى منحوسه اتجوزت فى ايه و جوزها مات كويس إن الدكتور سابها يمكن كان يموت ، أنا تعبت بجد مش عارفة أعمل ايه أحلام بحزم= يبقى لازم تكونى أرملة متزوجة رحيل =إيه البتقوليه ده يا أحلام ، أنا لا يمكن اتجوز بعد" على" كفايه عندى "رحيم "بالدنيا أحلام =أنا ما بقولش تتجوزى ؛أنا بقول تكونى أرملة متزوجة رحيل =ده ال هو إزاى يعنى ؟!! أحلام=أفهمى يا رحيل طول ما أنتى لوحدك منغير رجل المجتمع والناس هتشوفك وحدة سهلة ورخيصة رحيل باندفاع=أقوم اتجوز !!صح يا ستى طظ في ناس والمجتمع المريض ده أحلام =إسمعى بس ، انتى تنقلى مكان تانى وتقولى أن جوزك مسافر بره رحيل =أنقل!! أحلام =كده كده لازم تنقلى أهل رحيم لو عرفوا بيه هياخدوا منك ، جوازك من" على "ظروفوا مختلفة غير لو ناسية عملوا قبل كده طرده من الكليه ، دول ناس ظالمة الدم عندهم رخيص لو وقعتى في أيديهم هايقتلوكى رحيل =أنا أم رحيم مش... أحلام مقاطعة =دول الفلوس هى طريقهم ، انتى وأمك وأخوكى صغير يقدروا ينهكوا بلحظة منغير ما حد ياخد باله أنتم منغير رجل يقف ليهم ، الأفضل تهربى ابنك وأخوكى وأمك لازم يكونوا فى أمان ، قررى يا رحيل رحيل = انا مش زيك يا احلام ، أهرب من المشاكل واتجوز واحد م ( لت**ت رحيل لتدرك انها تخطت الخطأ مع أحلام ووضعت الملح على جروحها ) أحلام= كملى يا رحيل كملى سكتى ليه؟ اتجوزت واحد مريض ومعرفش عنه حاجة عشان حمانى من ابن عمى ومن الدنيا كلها ، بس انا متجوزتش "احمد " عشان كده بس ، أنا حبيت أحمد أعطانى الأمان والقوة والسند وقف جنبى فى أشد وقت فى حياتى ، أنا مخسرتش يا رحيل أنا **بت حب أنسان مش موجود فى الدنيا "حب نقى " بنسند بعض وهنعدى المحنه وهيخف وأعيش حياتنا مع بعض ونعدى كل الصعاب رحيل= آسفة يا أحلام ، مش قصدى أنا أعصابى تعبانه وحسه إن الدنيا كلها فوق دماغى احلام= انا عارفة ومقدرة ده ، ومش زعلانة منك ، يبقى تسمعى كلامى وتسيبى إسكندريه كلها ، ولو على شغل أخلى "احمد " يشوفلك فى مستشفى فى القاهرة أنتى عارفة مستشفيات (فياض ) التخصصيه موجودة فى كل محافظات مصر كلها تقريباً دى أكبر مؤسسه طبية فى الشرق الأوسط ، وهو قريبه ومن عيلته سهل أنه يتوسط ليكى ويوفر سكن كمان لترفع رحيل ببصرها لتفكر لتصدم بما أمامها .............. ****************************************************** هناك فى مديرية (أمن الإسكندرية ) بداخل مكتب أحد الظباط الذى يجلس خلف مكتبه وأمامه رفيقه ظابط مثله - والله ليك وحشه يا حازم حازم=أنت أكتر يا درش مصطفى =عامل إيه بعد ما سبت شغل الشرطة ووجع الدماغ ده حازم بتنهيد= أهو الدنيا ماشيه ليغمز له مصطفى بعينه = إيه يا عم ده أنا سامع أنك المدير العام لشركات الريان حازم= تعال يا أخويا شوف الهنا ال أنا فيه ،ده أنا طالع عينى ما أنت عارف " أزيد " من يوم ساب الشركات وكله فوق دماغى مصطفى بأس= الله يكون فى عونه ، هو برده لسه رافض يخرج من المزرعة حازم= اه يا سيدى ،غير أنه بقى الكبير من بعد أبوه وبقى حاكم البلد ( مزرعة الريان ) ، الحادثة غيرت فيه خالص وتحول وبقى شخص تانى ، تعرف هناك أهل البلد مسمينه إيه؟ (أسيد جهنم الريان ) من (ازيد جهم الريان ) ، على أنه الشخص حول البلد جهنم وهو البيزيد نارها وعذابهم مصطفى بصدمة = لدرجة دى !! حازم= واكتر كمان ده .... (ويقطع حديثهم صوت ضوضاء بالخارج ) بقلم / خلود عبيد تفاعل ورايكم انتظرونى الموعد يوم ويوم

Free reading for new users

Scan code to download app

App Store Google Play

Facebookexpand_more