Sandrynne's POV
Pagkatapos ng P.E class namin, lumapit ako sa bleacher kung saan nakapatong ang bag ko at ang paper bag na pinaglagyan ko ng school uniform.
Umupo muna ako ro'n para magpahinga. Si Honey naman ay natanaw ko habang kausap si Bry Villamor. Mukhang close na rin silang dalawa.
Nagbaba ako ng tingin sa kamay ko sabay buntong-hininga. Pero napansin ko ang sapatos ko, nakalag ang sintas no'n.
Yumuko ako para ayusin sana ngunit natigilan ako nang may makitang pares ng sapatos sa harapan ko.
Nag-angat ako ng tingin para alamin kung sino ‘yon. "Tristan?" Hindi niya ako sinagot at bigla siyang yumuko para ituloy ang ginagawa kong pagsisintas kanina. "Tumayo ka. Nakakahiya. Ako na lang," bulong ko sa kaniya. Napansin ko kasing nagtinginan sa amin ang iba naming kaklase lalo na a
