PITCHIE'S POV
Nakaupo ako sa kama at nakatulala. Hindi ko alam kung tama ba ang mga naiisip ko. Tiningnan ko ulit dalawang litrato na hawak ko at saka iyon binaligtad.
F.S.D.A
.
.
.
Could it be...? Umiling ako nang sunud-sunod. Hindi. Imposibleng Farrah Sandrynne Delos Angeles ang ibig sabihin no'n, 'di ba?
Nagdesisyon akong tumayo na sa kama dahil sumasakit na ang ulo ko sa pag-iisip. Dahil lang sa FSDA na iyon ay na-stress ako.
Lumabas ako ng kwarto at bumaba sa hagdan upang tumungo sa kusina. Nagsalin ako ng tubig sa baso at saka ko iyon nilagok.
Ngunit nang ibaba ko na ang baso ay napatigil ako. Biglang bumalik sa aking isip iyong araw na kinuha ko sa ilalim ng unan ni kuya ang picture ni Mia.
Nagtataka kasi ako dahil unang kita ko pa lamang sa picture niya ay tila pamilyar
