SANDRYNNE’S POV
Ilang linggo na ang lumipas ngunit hindi pa rin nakakabalik ng bansa si Harris. At wala naman dapat akong pakialam pero hindi ko mapigilang mainip sa pagbabalik niya. Para akong nangungulila sa asawang nangibang bansa, gano’n. Pero hindi lang naman ‘yon ang dahilan. Hindi lang dahil parang nami-miss ko siya. Gusto ko rin kasi siyang makausap dahil maraming tanong sa isip ko na siya lang ang tanging makakasagot.
"Ano’ng iniisip mo?" Napalingon ako kay Tristan dahil sa tanong niya. "Kanina mo pa hindi ginagalaw ‘yang pagkain mo,” puna niya at sumulyap pa sa pagkaing nasa harap ko na hanggang ngayon nga ay wala pang bawas.
"Sorry..." I said quietly. Bigla tuloy akong nahiya dahil parang kanina pa siya nagsasalita, nagkukuwento tungkol sa naging pagpunta niya sa isa nilang b
