ISANG LINGGO na ang lumipas simula nang magtapat sa kanya si Heirman. Isang linggo na rin siyang hindi pumapasok. Hindi niya alam kung nasaan ito o kung ano ang ginagawa nito. Hindi niya maiwasang mag-alala—baka napaano na ito. Pero pinipigilan niya ang sarili. Matanda na ito. Alam na nito ang tama sa mali.
Sumandal si Jenna sa kinauupuan. Ilang minuto lang ang lumipas nang tumunog ang kanyang cellphone. Nang tingnan niya kung sino ang tumatawag, nakaramdam siya ng pagkadismaya. Umaasa siyang si Heirman ang tatawag. Pero bakit pa ito tatawag pagkatapos ng nangyari sa kanila? Wala na itong dahilan para gawin iyon.
"Hello, Leo," bati niya sa dating kasintahan na nasa kabilang linya.
"Bakit ka napatawag at paano mo nalaman ang number ko?" walang buhay na tanong niya rito.
"Nakuha ko ang n
