أحببت مجنون

الحلقة الرابعة

الحلقه الرابعه

شدت كرسى وقعدت قدامه ببتسامه رقيقه.....بص انا هحكيلك عن نفسى اهه نتعرف على بعض

انا اسمى دكتور رنا بشتغل هنا وبعمل ماجيستر ودكتوراه عايشه مع اخويا الوحيد ومراته وولاده

بعض وفاة بابا وماما

اتن*دت وبصت للارض....عارف انا بقالى سنين بقف برا اوضتك ونفسى ادخل واعرف انت مين وحكايتك ايه سنين بعدى كل يوم واقف نفس الوقفه

بس نش عارفه ايه اللى بيشدنى لاوضتك

يمكن ربنا حطنى فى طريقك عشان اشدك لنور

ولا ربنا حطك فى طريقى عشان حاجه تاتيه

مش مهم

المهم دلوقت انك تخف وتقف على رجلك بسرعه

بصت فى ساعتها ولقيت الوقت متاخر

...ياه الوقت سرقنى معاك انا لازم امشى دلوقتى وبكرة ان شاءالله هكون عندك بدرى

خبطت على الباب وفتح لها اللمرض وساعد رامى وحطه فى سريره

بس رامى فى حاجه جواه بدات تديلوا اشارة

عينه اتعلقت عليها وهى خارجه من الباب

قلبها حس بكده رجعت تانى بصت عليه كان النوم غلبه

اتن*دت بحزن راحت على اوضتها كانت علا مشيت

اخدت شنطتها وركبت عربيتها وروحت

روحت رنا بعد يوم طويل مع رامى قعده فى اوضتها شويه كانت ايمان نايمه هى والعيال من بدرى ومصطفى اخوها فى الشغل اخدت حمام دافي ونزلت المطبخ عملت كام سندوتش وكوبايه نسكافيه وطلعت اوضتها تانى

قعدت على السرير وسندت ضهرها على مخده اكلت السدنوتشات وشربت النسكافيه وكان النوم هيغلبها فجاه قامت مفزوعه نطت من على السرير و مسكت اللاب توب بتاعها وعملت بحث على جوجل عن حادثه رامى وفعلا طلعت لها الحادثه

وبدأت تقرى وبعد ماخلصت حاسه انى رامى مظلوم وانى فى حد تانى هو اللى عمل كده وشيلها لرامى

وواضح أنه ضحيه لعبه كبيرة وانى فى حاجات وتفاصيل ناقصه وحظ رامى هو اللى خلاه شال الليله كلها

بس ازاى وعمه أكد أنه دخل الاوضه لقى المسدس فى ايدى رامى

وابوه وأمه ميتين

هنا بقى قامت وفضلت تتمشى فى الاوضه شويه وبدأت تكلم مع نفسها مايمكن عمه هو اللى قتلهم ودبس الولد الصغير اللى مكنش يعرف حاجه ابدا مجرد طفل مش اكتر طالب فى اخر سنه ليه فى الثانويه العامه كل اللى مكتوب عن رامى بيقول انه شخصيه طيبه ومحبوب ومرح وانى كان بيحب اهله جدا

وهنا بدأت تكلم بصوت عالى ايوه اكيد عمه هو السبب

اكيد طبعا ماهو دلوقتى هو الوحيد المستفيد من كده

كل أملاك رامى وشركاته بقت تحت أيده عمه وهو اللى بيدرهم وبيستفاد منهم وواضح انه راجل اعمال ليه اسمه ووزنه فى البلد

وبما أن رامى كان صغير وقاصر ودخل فى حاله صدمه مقدرش

يدافع عن نفسه ولا يكلم وبدا صوته يعلى اوى اوى

اتخض اخوها وكان لسه واصل من الشغل

فجاه الباب انفتح ودخل مصطفى عليها

مصطفى : ايه يابنتى صوتك عالى ليه كده هتصحى البيت كله

رنا : اسفه يا مصطفى ماخدش بالى انى صوتى عالى

انا اندمجت شويه

مصطفى : ولا يهمك ياحببتى بس هو مين اللى قتل عمه

رنا : هههههههه لا هو عمه هو اللى قتله اصدقى قتل أبوه وأمه يوووه اتلخبطت

وقعدت على الكرسى متلخبطه

مصطفى: هومين بردوه

رنا : رامى انت مش معايا على الخط ياابيه ولا ايه

لا ركز معايا الله يكرمك فى وقت بيضيع

هز راسه بضحك وض*ب كف على كف....

مصطفى : اه رامى قولتيلى بقى

مسكت ايده وشدته كان هيقع وقعدته على كرسى جمبها.....اسفه اسفه كنت هتقع تعالى بس اقعد معايا

ر انا هحكيلك على كل حاجه

حكت رنا لاخوها اللى قرته على النت واستنتجاتها هى كمان

مصطفى : بس ياحببتى ده مش معناه أن عمه هو اللى قتل وبعدين انتى بتقولى انى كل الادله ضده والمسدس كان فى ايده

هزت راسها بلا....لا يا ابيه حدسى بيقولى انى فى خيط ناقص فى حاجه ناقصه مش قادرة اصدق انى فى طفل ممكن يعمل كده

طبط على اخته بحنان اخوى..... صدقينى ياحبيبتي مش كل الناس طيبه وحنينه زيك ياقلبى

رنا : انا مش عارفه بقى بس انا متاكد انى رامى مظلوم وانى فى حد تانى هو اللى قتل أبوه وأمه

وانى عمه وراه سر كبير

مصطفى : بصى يارنا المحكمة ملهاش غير الادله اللى قدامها وواضح انى المشتبه بيه الوحيد ه رامى وعشان كده هى حكمت على رامى بس اتمنى انه يكون بري

رنا : انا متاكده والوقت هيسبتلك

ابتسم مصطفى ومسك راس أخته وباسها على جبينها

رنا : تحب احضرلك العشا ايمان نامت من بدرى عيالك هيجننوها

مصطفى : ههههه انا عارف انا اتعشيت فى المديريه تصبحى على خير ياقلب اخوكى

رنا : وانت من اهل الخير

قفل مصطفى الباب وطلع وساب رنا قاعده على اللاب بتعمل بحث عن حالات مشابها لحاله رامى لحد ما نامت ماكنها على السرير لحد الصبح

صحيت رنا تانى يوم وهى عندها امل كبير أنها تقدر تساعد رامى

قامت وفطرت مع ايمان واخوها ونزلت على طول

اما مصطفى وايمان كانوا قاعدين لسه بيتكلموا

ايمان : انا حاسه بحاجه متغيره فى رنا

مصطفى : وانا كمان ياايمان قلقان عليها وتعلقها برامى

حاجه مش مريحانى واصررها انه برئ

خايف يكون قاتل وتتصدم

ايمان : رنا طيبه وقلبها ابيض واكيد ربنا هيبعتلها الخير

مصطفى : يارب ايمان رنا مش اختى بس ديه بنتى الصغيره كمان ومش هقبل انى حد يزعلها أو يجرحها

بس هى معندهاش خبرات فى الدنيا مشفتش اللى انا شفته متعرفش انى ممكن الاخ يقتل اخوه

الاب يموت ابنه وانى الدنيا مش زى زمان

زى مافى خير فى شر

ايمان.....انا عارفه ياحبيبي والله بس سبها تخود التجربه هى قويه وشاطرة ومهما كانت العواقب

هتبقى ادها ان شاء الله

ضبقت عينها بغضب مصتنع...

الى قولى صحيح انت اتاخرت ليه امبارح انا نيمت العيال واستنيتك كتير

لحد مانمت على نفسى

مصطفى : هما العيال لسه نايمين

ايمان : نايمين ايه بس دول نزلوا المدرسه من بدرى الباص اخدهم

علشان معنديش حصص النهارده

مصطفى : طب ماتقولى كده من بدرى

قرب مصطفى وشد ايمان فى حضنه كان هي**ر ضلوعها

ايمان : انت بتعمل ايه انت مش عندك شغل

مصطفى : هعوض ليله امبارح وبعدين مفيهاش حاجه لمااتاخر ساعه او ساعتين على الشغل

مش هيجرا حاجه

ايمان : هههههه انت مبتزهقش

مصطفى : حد يزهق من القمر ده تعالى تعالى

اما رنا بقى راحت على المستشفى ركنت عربيتها ودخلت بس قبل

ماتدخل لرامى راحت لمكتب د.ابراهيم خبطت اذنلها تدخل

د.ابراهيم : صباح الخير ياد.رنا اتفضلى اقعدى

د.رنا : صباح النور يادكتور شكرا

د. ابراهيم : هاه طمنينى ايه الاخبار

د.رنا : انا كنت عايزة اطلب من حضرتك حاجه

د.ابراهيم : اطلبى انا تحت امرك

د.رنا : انا عاوزه اتنين من الممرضين الرجاله تكون حضرتك بتثق فيهم جدا جدا يكون شداد كده

د.ابراهيم : اوك مفيش مشلكه بس ليه

د.رنا : هقول لحضرتك انا عاوزهم يساعدونى فى حاله رامى

د.رنا : انا حطه خطه علاج وهبتدى فيها من النهارده بس انا امبارح عملت شير على النت على حدثه موت أهله والقضيه اللى جه هنا بسببها وبصراحة حاسه أنه برئ ومظلوم وفى حد دبسه فى القضيه

د.ابراهيم : بصى يارنا احنا مش محكمه عشان ندور على براءته

انا اللى نقدر نعمله نرجعه لدنيا تانى وهو يدور على براءته ويثبتها يرجع حقه او يطلع فعلا قاتل

فاهمانى يا رنا انا عايزك تخلى عواطفك برا شغلك

متخلطيش الاتنين مع بعض بلاش تعاطفك معاه ينسيك حاجه مهمه انى كان هنا فى قضيه

وارجع اقولك اعملى شغلك وخرجيه من ضلمته

هزت راسها بالموافقه

د.رنا : حاضر يادكتور تسمحلى استأذن

د.ابراهيم : اتفضلى

وهى خارجه نادا عليها إبراهيم

د.ابراهيم : رنا انا مش عاوزك تزعلى منى انتى زى بنتى ولازم انصحك وان شاء الله هجهزلك الممرضين

اللى انتى عوزاهم وان شاء الله تقدرى تعملى اللى انا مقدرتش عليه

ابتسمت..

د.رنا : شكرا يا دكتور

خرجت رنا وهى متلخبطه معقوله اكون بخلط شغلى بعواطفى معقول اكون انا الوحيده اللى شايفه انه مظلوم وبرئ معقول يكون فعلا قاتل معقول

انتهدت بحزن

لا بس هو صعبان عليا وانا مشدوداله اوى وحاسه بمسؤليه من ناحيته يارب العالمين وفقنى ورشدنى للصالح مشيت رنا وراحت على اوضه رامى