Napatingin ako sa mga kamay namin na magkahawak. Bibitaw na sana ako sa kanya pero hinigpitan niya ang pagkakahawak sa ‘kin at bahagya akong hinila uli. “Huwag kang maingay,” bulong niya. Ramdam ko ang mainit niyang hininga na tumama sa pisngi ko. Sobrang lapit lang ng mga mukha namin sa isa’t isa. Konting lapit pa nga’y baka mahalikan na niya ‘ko. Amoy ko rin ang mabangong pabango niya na medyo may halo ng amoy ng sigarilyo. Ang bata pa pero may bisyo na.
“Gavin! I hate you!” sabi ng babae sabay sigaw nito sa sobrang inis. Sinipa pa nito ‘yung halaman malapit lang sa pinagtataguan namin ng lalaki kaya nagulat ako. Buti na lang ay hindi ako napasigaw.
Dahan-dahang sumilip ‘yung lalaki sa gilid ng halaman. Tinitingnan niya siguro ‘yung babae kung umalis na ‘to. Pagkatapos ay bumuntong-hin
