Vice Mayor Tuesday Francisco Ang mga paa ko ay humahakbang patungo sa silangan. Ang paggalaw ko ay natigil nang isang malapot na likido ang ang naapakan ko sa sementong kalsada. Ang noo ay kumulot nang dahil sa kadiliman ay hindi ko maaninag kung ano ba ang aking natapakan. Mula sa pagkakayuko ng ulo ay inangat ko ang paningin ko sa aking harapan. Nasisindak akong napaatras nang malinaw kong nakikita ang batang duguan na nakasampak sa lupa. Matalim itong nakatingala sa akin. Hawak-hawak niya ang mga maliliit at magagaspang na bato na mas nagbibigay sugat sa mga palad niya rason para pumatak ang mga dugo mula rito. Tumagilid ang ulo niya nang hindi inaalis sa akin ang mga mata. Isang nakakakilabot na ngiti ang gumuhit sa kanyang manipis na labi. "Papatayin kita..." Kumabog ang dibdi