Wala ako sa sarili habang pinagmamasdan ang kontrata na ibinigay kanina ni Sir James. Para akong walang choice dahil kapag hindi ko tinanggap ‘to ay siguradong mawawalan talaga ako ng trabaho.
“Hoy bestie!”
Napatingala naman ako at nagulat nanng makita si Tiffany sa harapan ko. “Nandito ka na pala?”
Halos hindi ko manlang siya namalayan na pumasok na sa apartment dahil sa dami ng iniisip ko.
“Kakarating ko lang. Ano ‘yan?” anito sabay turo sa hinahawakan kong folder.
“Kontrata. Binigay kanina ni Sir James sa akin.”
“Hala, patingin nga ako!” Kinuha na niya ito at nag-umpisa nang magbasa.
Kahit na gano’n ay hindi pa rin ako tumitigil na mag-isip ng ibang paraan ngayon. Baka kasi may puwede pa akong gawin para maayos ‘tong problema at pangalan ko.
“Grabe bestie, may term of contrac
