Katatapos ko lang ngayon maligo para sa event mamaya sa bahay nila Kenzo. Napansin ko namang hindi pa tapos si Tiffany kaya naman at napapunta na muna ako sa veranda.
It’s 6:30 in the evening at sobrang dilim na ng kalangitan. Makikita mo na rin ang ilang mga bituin sa langit kasabay ng malamig na ihip ng hangin kaya naman ako ay napayakap sa sarili ko nang wala sa oras.
“Bestie?” Narinig ko namang kumatok na si Tiffany sa pinto ng kwarto ko kaya agad ko nang isinara ang veranda at naglakad na para buksan siya.
“Alis na ba tayo?”
“Naks!” Bigla niya naman akong hinampas sa braso. “Akala ko ba tinatamad kang pumunta kela Kenzo, bakit bihis na bihis ka yata ngayon?”
“Ikaw nga rin naman, eh. Ang kapal pa ng make-up mo ngayon ah,” tugon ko pa sa kaniya at tuluyan nang lumabas ng kwarto k
