Madedelay ng dalawang araw ang Chapter 69 - Epilogue dahil mas inuna ko iyong manuscript na ipapasa ko sa TBC kaya pasensya na. Will update again tomorrow night so please bear with me. Thank you and Enjoy reading!
Chapter 68
Sobrang takot. Iyon ang kasalukuyan kong nararamdaman ngayong dinala ako ni Mr. Chua sa isang abandonadong lugar. Hindi ko alam kung saan banda dahil nakapiring ang mata ko nang dalhin niya ako rito kasama ang ilang tauhan niya. Nakakita lamang ako nang makarating na kami rito at naitali na rin ako sa upuan para hindi makawala.
Pilit ko pinapakiramdaman ang lugar at pinapakalma ang sarili dahil bukod sa madilim ang lugar ay wala akong naririnig. Tila iniwan ako ng mga tagapagbantay niya habang nakatali rito sa upuan.
Hindi ko alam kung ilang oras na ba ako nawawal
