SINUNDAN na lamang ni Ken si Thoie nang pumasok ito sa loob ng mall, samantalang hindi naman mapakali ang dalaga sa kaniyang gwardiya na masiyadong agaw pansin. Ang lahat ng tao sa kanilang daanan ay pinapasadahan sila ng tingin, batid niyang kinikilatis siya ng mga tao ngayon sapagkat siya lamang ang taong nasa mall ang may kasamang isang bodyguard na nakabuntot sa kanitang likuran. Isa pa ay tiyak siyang nabalita na siya ngayon sa social media matapos ang naganap na salu-salu sa mansion at pagpapakilala sa kaniya kamakailan lamang. Taliwas siya sa pagpapakilalang iyon ngunit hindi na tumanggi sa kagustuhan ng kaniyang lolo.
Pumasok siya sa loob ng isang boutique, kilala ang pangalan ng boutique at batid niyang may kamahalan ang mga gamit dito ngunit hindi iyon problema sa kaniya. She c
