[Third Person’s POV]
Maaliwalas ang panahon noong araw na iyon— lulan ng tricycle ang mag-ina papasok ng ‘Green Meadow Farm’. Napabuntong-hininga si Madison dahil sa bumabagabag sa kan’yang isipan. Malimit na mag-text si Frank sa kaniya matapos ang outing sa beach. Ang dahilan nito ay busy at hectic ang schedule kung kaya’t limitado ang oras nito na makausap siya. Napansin siya ng kan’yang ina dahil bilang isang ina ay nakakaramdam ito kung may problemang dinadala ang anak niya.
“May problema ba, Madi?” tanong ni Mila sa kan’ya na puno ng pag-aalala sa mukha.
Tipid na ngumiti si Madison sa kan’yang ina.
“Ma, ganito ba talaga kapag malapit nang ikasal?”
Napakunot ang noo ng kan’yang ina sa kan’yang tinuran.
“Ha? Bakit mo natanong, anak? Nag-away ba kayo ni Frank? Nak
