“GAANO MO KAMAHAL SI FRANK?” tanong sa kaniya ni Enzo habang seryosong nakaupo. Tumayo siya at pinagmasdan ang mala-asul na ganda ng karagatan. Hinarap niya si Enzo ng nakangiti na may halong pait.
“Bakit pa natin siya pag-uusapan?”
“Gusto ko lang malaman kung mahal mo pa siya,” seryosong tanong ni Enzo.
Tumayo ang binata at lumapi sa kaniya. Napaatras siya at napasandal sa metal bar sa gilid ng yate. Napaliyad siya noong inilapit pa ni Enzo ang sarili nito at kinulong siya ng mga braso nito. Hindi siya makaalis dahil nakaharang sa magkabilaang gilid ang mga braso ng binata.
Hindi kaagad siya nakasagot dahil ang alam niya lang sa ngayon ay galit at poot ang nararamdaman niya. Ngunit ang isang bagay na hindi niya magawa ay hindi niya pa kayang kalimutan si Frank. Masasaktan
