Chapter 21
[Third Person’s POV]
NGINITIAN siya nang nakaloloko ni Enzo na siyang nagpakabog sa kaniyang dibdib. Mukhang sisirain pa nito ang araw niya.
“Really? I remember you threw a flower vase at me—”
Nanlaki ang mga mata ni Madison at mabilis na tinakpan ang bibig ng binata. Mukhang hindi naman narinig ni Nora ang sinabi ni Enzo. Nagtama ang tingin nilang dalawa at walang gustong magpatinag.
“Hindi ka ba titigil? Ano ba’ng gusto mo mangyari?” bulong ni Madison.
Tumingkayad si Madison dahil may katangkaran ang binata nasa palagay niya ay six feet ang height. Naningkit ang mga mata ni Madison na tinitigan si Enzo. Tila nagbabanta sa binata na tumigil na sa kalokohan nito.
“May problema po ba, Sir Enzo, Madison?” tanong ni Manang Maribel na kararating lang at may dalang tray.
