NAPAUNAT ng braso niya si Madison nang magising. Napuyat siya dahil sa kaiisip ng mga sinabi ni Enzo. Papungas-punga pa siya ng mga mata.
I’ll make you mine
Walang forever. Kayo ni Frank Yulo. Pero tayo, may forever…
Pinilig niya ang ulo upang iwaksi sa isipan niya ang anumang naiisip. Bakit niya ako gustong ligawan. Tutulungan niya raw akong kalimutan sina Aubrey at Frank.
“Ate Madison, gising ka na pala,” bungad ni Jhauztine na sumilip sa kurtina.
Bumangon siya at lumabas. Kasama si Jhauztine ay nag-almusal silang dalawa. Tahimik siyang kumakain dahil pinag-iisipan niya ang sinabi ni Enzo.
“Iniisip mo pa rin ba ang panliligaw sa ‘yo ni Sir Enzo, Ate?” usisa ni Jhauztine.
Ibinaba niya ang hawak na tasa ng kape at napabuntong-hininga.
“Alam mo, Jhauztine.
