Warning: This may contain an explicit scene. Read on your own risk.
“DO YOU LOVE ME?” nakangiting tanong sa kaniya ni Enzo.
Napaawang ang labi niya at nanlaki ang mga mata dahil naisahan siya nito. Sa inis niya ay pinaghahampas niya si Enzo.
“Nakakainis ka! Sana nalunod ka na lang!”
Inilapit ni Enzo ang mukha nito sa kaniya na siyang nagpatigil sa kaniya. Gusto niyang umiwas ng tingin ngunit hindi niya magawa. Para siyang nalulusaw sa titig nito at gusto niyang humiga sa dibdib ng binata.
“Kung nalunod ako baka hindi ka tumigil sa kaiiyak.”
Napagtanto niyang basa ang pisngi niya ng mga luha at dali-dali itong pinunasan. Dahil sa labis na hiya ay itinulak niya ang binata upang mahulog sa dagat. Ngunit nahawakan siya nito sa kamay kaya maging siya ay nahulog na rin.
