ALAS dyis ng umaga umalis ng Manila kanina si Kate Winslett para bumiyahe patungong Ilocos Sur at puntahan sa mismong lokasyon niya ang ex-boyfriend na si Derek. Hindi siya susuko sa planong suyuin ito. Hindi siya babalik sa siyudad hangga’t hindi matagumpay ang kanyang misyon.
Huminto siya saglit sa Pangasinan para magpagasolina at kumain na rin ng tanghalian. Pagkatapos magpahinga saglit ay muli niyang itinuloy ang pagbiyahe.
Nakarating siya sa siyudad ng Candon sa Ilocos Sur mga alas singko na ng hapon dahil sa tapiko. Sa kabilang bayan pa ang subdivision kung saan nakatira ang kanyang pakay. Dahil walang malapit na hotel o puwedeng pagpalipasan ng gabi roon ay nagpasya siyang dito na muna sa Candon huminto mula sa biyahe. Hindi rin magiging maganda kung pupunatahan niya ito ngayon a
