يارين - بعد ما أجتي ام ماهر من المستشفى وصاحني أبو ماهر وطلب مني اعوف جهالي
بملجئ مال أيتام
كتله - أعذرني عمو ما أكدر أعوفهم لو اخذهم واكعد بالشارع بيهم ما اعوفهم ما كافي امي بدار
العجزه هو إني منو بقى من أهلي حتى اعوف جهالي وهاي اليتيمه بالملجئ
كال - بس احنه مو من بقية أهلج شنو ذنبنه نتحملهم واحنه نريد نرتاح
كتله - عمو أعذروني هذوله أطفال شنو ذنبهم ما أكدر اني لليوم اعتبر نفسي مسؤوله على
الي صار ويا هشام ابن اخويه
كال - ما بيها شي خليهم يم كرايبج وبعدين من تخلصين عده أخذيهم وأطلعي بيت وحدج
من شافني مصره على موقفي ما حجى شي بس أستغربت أنه ظل يباوع على ماهر
رجعت على الغرفه لكيت هذوله الجهال كالبين الغرفه واني أرتب بيها إن دكت الباب
ودخلت ساره بيدها علاكه وجان
تكول - هاج هذا العلاج جابه ألج عمار والطريقه موجوده شرح أستعمالها بالورقة يمج
وعاف*ني و راحت واني اباوع على ا
