Tahimik na tahimik na sa loob ng silid. Matapos nitong sabihin na iwanan na lang niya sa kusina ng pinagkainan niya ay hindi na niya narinig pa itong magsalita mula sa loob. Hindi niya alam kung bakit pakiramdam niya ay may nasabi siyang hindi maganda. Bigla siyang na-guilty nang umalis ito at talikuran siya. Alam niyang balak siya nitong sabayan, nakita niyang uupo ang babae sa harap niya pero nagbago bigla iyon nang mabanggit niya ang pangalan ni Camilla. Wala naman siyang ibang intensyon, he was just worried about Camilla dahil alam niyang hindi naman ito sanay sa lugar nila. Ni hindi nga niya alam kung saan ito dinala ng kaibigan.
Nalilito na siya sa sarili niya, Camilla was so kind to him. Ito ang nag-alaga sa kaniya mula nang idilat niya ang mga mata. Ilang araw siyang hindi nakala
