"Bakit kanina ka pa nakasimangot Lito, may masakit ba sa'yo?" tanong ni Camilla habang nakasandal sa balikat ng binata. Nasa loob na sila ng sasakyan at kasalukuyan silang nasa likuran ng sasakyan ni Chris habang katabi nito ang kasintahang si Cenna sa frontseat. Silang apat lang sa loob niyon at hindi nila kasama ang babae dahil sa ibang sasakyan ito sumakay.
"Masakit ang ulo ko, Camilla!" Itinuon nito ang paningin sa labas matapos ang isang malalim na buntong-hininga. Hindi lingid sa kaalam nito ang mga tingin ng kaibigan mula sa rearview mirror habang nagmamaneho patungo sa penthouse ng binata. Nangingisi pa ito na tila may kung anong kapilyuhan ang tumatakbo sa isip. Para kay Chris ay ito ang tamang gawin. Hindi naman siya papayag na magmukhang kawawa na lang si Regan dahil sa pagpay
