Bumangon si Clyde sa kama nang makatulog ang asawa. Kinumutan pa niya ito dahil mukhang giniginaw ang babae dahil sa kahubdan nitong hindi na nakuha pa ang magsuot ng saplot sa katawan dala na rin marahil ng sobrang pagod at antok, isa pa ay galing ito sa mahabang pag-iyak. Hindi niya alam kung bakit ganoon ang naging emosyon ni Regan dahil sa simpleng tanong niya. Bakit ito biglang umiyak sa harap niya na tila ba sising-sisi ito?
Pinagmasdan niya muna ito nang medyo matagal bago siya nagpasya na umalis sa tabi nito. Naglakad siya patungo sa bintana ng veranda at hinawi ang kurtinang nakatabing doon. Puno ng ilaw ang buong city, liwanag na nagmumula rin sa mga nagtataasang gusali na nagmistulang mga palamuti sa gabi. Payapa ang buong gabi at pagod rin siya, ngunit binabagabag siya ng ima
