LORIE LOVE
Kahit pa sinabi ko na ‘wag na kaming ihatid ay makulit talaga si Jude. Kaya naman hinyaan ko na lang kaysa kausapin ko pa siya mainis lang ako. Ngiti na lang ang binigay ko sa kanya bago kami pumasok sa loob ng room. Wala naman akong pakialam pero alam ko na magiging usap-usapan ang paghatid niya sa akin. Lalo na alam nila na hindi na ito nagkagirlfriend pa. Tapos sinabi pa niya na may liligawan siya. Sure naman ako na hindi ako ang tinutukoy niya. Baka trip lang talaga niya na ihatid ako.
Mas iniisip ko pa ngayon si ninong na seloso. Wala na yatang puwedeng lumapit sa akin na hindi siya magagalit sa akin. Buong araw ay siya ang iniisip ko. Paano ba naman kasi kanina ko pa tinatanong ang sarili ko kung nagseselos ba ako sa kanya. Hindi ko rin kasi alam ang sagot sa tanong na ‘
