“LET’S CALL on the Siete Marias!”
Nagkatinginan sila ni Honey. “Siete Marias?” he asked.
“Iyong mga kapatid ko at mga kapatid mo, binansagan ng emcee na Siete Marias. Natutuwa yata na puro mga babae ang kapatid natin,” nakangiting paliwanag sa kanya ni Honey.
“Ah, oo nga. All ladies. And all singles.”
“Malapit na ring mag-asawa si Sweet. Kaya nga siya ang pinakatuwang-tuwa na ikasal ako, eh. Alam mo na, ako ang panganay. Ayaw naman nilang laktawan ako. Baka daw kasi hindi ako makapag-asawa.”
“Uso pa ba iyon? And besides, heto nga at pangalawang beses ka nang ikinakasal.” Ikinawit niya ang kamay dito at pinisil ang bewang nito. “Parang ang haba yata ang wedding program.”
“Naiinip ka na? Nag-e-enjoy naman ang mga bisita. Look.”
It was indeed a happy occasion. Nasa anyo ng mga bisita a
