ATHENA
“TAY, aalis po ako. Magkikita kami ng mga thesis mate ko…” paalam ko sa aking ama na naabutan ko sa sala.
Nanonood ito ng paboritong show niya sa TV. Ang Raffy Tulfo in Action. But this time, may kasama na itong manood unlike noon na lagi lang itong mag-isa.
“Okay, anak. Mag-iingat ka. Magmo-motor ka ba o dadalhin mo ang sasakyan ng kuya mo?” tanong niya sa akin.
“Dadalhin ko ‘yong sasakyan, Tay. Bakit po? May lakad ka ba?” muling tanong ko sa kanya sabay sulyap sa kasamang ginang nitong tahimik lang na nagmamasid sa amin.
“Ah, wala naman, anak. Dito lang kami ng nanay mo,” he said. I almost cringe when I heard him say that. Mabuti na lang at napigilan ko pa ang aking sariling huwag mag-react. Ayokong maka-offend tsaka iwas gulo na lang din.
“Okay, Tay. Sige po, alis na ako…”
